蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年06月05日
馬上成為壹會員

指兒子破壞力驚人 安全至上
周啟生自認好老竇

現年52歲的周啟生日前出埠後,獨留有學習障礙的13歲兒子周爵在家,涉嫌疏忽照顧兒子,被警方以涉嫌「對所看管兒童或少年人虐待或忽略」拘捕,現正保釋候查。昨早11時,他獨自離開跑馬地寓所,乘的士赴銅鑼灣,問到兒子情況時,他說:「個虐字其實係英文terms,但繙繹出嚟係好廣泛形容,啱唔啱留畀你哋決定。」之後雙手合十,感激報警的鄰居關心。周啟生往銅鑼灣不久,其現任太太司徒靄杰抱細女外出,沒有回應提問。

嘆社會缺乏支援

下午2時,周啟生回到寓所樓下再接受訪問說,他表示前妻梁晶瑩4年前消失,沒有見過兒子一面:「都係我一個人頂晒。佢細路仔唔知咁多,係一個開心、有兩餐食就笑哈哈嘅人,13歲有15歲嘅活動能力,有啲嘢就似兩、三歲咁,破壞能力好強,屋企嘢好似電腦、電視整爛都有廿萬。我係佢老竇可以點?一世人兩父子,我愛佢。總之我會以個仔安全為先,如果我死咗,個仔好番我唔介意。總之如果我死咗,佢識講廣東話,我死畀你睇都冇所謂,嗰日佢見到咁多差佬喺度,仲以為同佢玩,佢不知幾開心。」他強調兒子身上沒半點污糟,連一粒蚊叮都沒有。

周啟生又說:「安排好晒照顧囝囝嘅人,只不過可能係交接或者阿仔頑皮。大家要支持吓單親爹哋。」他又語帶諷刺報警的鄰居,應該先照顧好孩子才報警,因為兒子回鄉證過期才留在港。周啟生自言是好父親,先後請過6個工人但做不長,6年內更每朝為兒子煮早餐及帶返學,閒時會與他跑步及游水,更反問:「咁都唔算好老竇?」他更半開玩笑表示今日會帶同女兒出席無綫《勁歌金曲》,免再構成獨留子女在家罪名。另外,周啟生昨日接受商台電話訪問時表示,香港對有問題的兒童沒有太大關注及支援,對於兒子事件,他認為是疏忽所致。
採訪:李珮洳、張俊銘
攝影:葉君海

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載