› 選擇地區
三藩市
紐約
洛杉磯
其他美國地區
香港 台灣 北美
 
2013年06月08日

是我小時候:千語BB禁男歲月

【半歲】
獨生女的千語,深得父母疼錫,媽媽對她份外緊張。

千語BB叫得多,她的BB樣你見過未?吳千語(Karena)是家中獨生女,小時候已標致可人,深得父母疼錫,但這也是父母最頭痛的地方,擔心她被男孩子欺負,所以16歲前的歲月,一直被父母禁止和男孩接近。外表斯文的千語,原來小時候也有調皮一面,試過被礁石割傷大腿,被父母勒令兩年內不准游水。
撰文:溫敏芝

現年19歲的吳千語是家中掌上明珠,天生一副美人胚子,父母當然份外緊張,她說:「細個媽咪嚴啲,爸爸就開放啲,不過比起同年嘅同學,佢哋可以自己搭車、搭地鐵,我就差唔多14歲父母先放心,對我都好保護。」自小在香港受教育的千語,因有親戚在澳洲居住,所以間中會赴澳洲探望親友及報讀暑期課程。

頑皮傷腿留疤

像個鄰家女孩的千語,小時候也像男孩般頑皮活潑,試過一次游水導致大腿留下又深又長的疤痕,她說:「嗰次喺海度玩,點知撞到塊礁石,大髀就好似割開咗咁,連骨都見到,嗰時我得8、9歲,自己都好驚。」經此一役,千語的父母對她管得更嚴,之後兩年都要她聽取醫生意見不准游水,慎防海水有細菌。

千語出道不久即被林峯私有化,問其父母有否不准她太早拍拖?她說:「𠵱家嘅小朋友好早熟,可能12、13歲就拍拖,我嗰時就16、17歲先多啲接觸男仔,因為我係獨生女,爹哋、媽咪驚我俾人呃,希望我帶個男朋友仔返去見佢哋,畀佢哋認識咗會放心啲,我知道𠵱家好多家長都係咁。」

此外,千語與林峯拍拖後,負面新聞不絕又被指拜金,昨日千語在商台接受訪問,表示認識她的人會知道她不是貪慕虛榮,生活方式沒有因拍拖而改變,自己惟有用時間和工作去證明。
千語坦言都驚新聞影響工作,自己睇得多亦覺得煩厭。問她最欣賞男友做甚麼?千語說:「由細到大都鍾意男友有心思,例如親手做啲小禮物咁。」

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載