› 選擇地區
三藩市
紐約
洛杉磯
其他美國地區
香港 台灣 北美
 
2013年06月28日

電視撈飯:《飛虎II》BB也瘋狂
鍾嘉欣:我躁鬱暴力

無綫新劇《飛虎II》,鍾嘉欣(左)取代宣萱做女主角,同馬德鐘擦出火花。

今次真係嘉欣BB也瘋狂啦!鍾嘉欣BB噚日喺將軍澳電視廣播城為無綫劇《飛虎II》試造型,套劇仲有回巢嘅馬德鐘,同埋一班冧莊做飛虎嘅梁烈唯、羅仲謙同袁偉豪等,佢哋着晒成副武裝上陣,上集女主角宣萱因為同無綫關係麻麻而推咗唔拍,結果由嘉欣BB做女主角。
做CIB嘅嘉欣BB好開心今次有新轉變,佢話:「我相信呢套係入行以嚟精神上辛苦嘅一套,我喺戲裏面會有啲躁鬱,成日好多嘢講,仲好暴力兼好重使命感,我自己都覺得好大壓力。」佢好搞笑話睇怕拍完套劇之後,大家唔會再叫佢做嘉欣BB。

馬德鐘慶牛一

套劇係馬德鐘轉咗部頭合約嘅第一個工作,佢嘅地位真係今非昔比,唔單止壓軸出場,無綫仲安排咗個蛋糕慶祝佢正日生日,馬德鐘笑笑口話:「多謝,多謝!所以真係返得好開心,我哋簽咗兩年部頭,唔知下一套會唔會係《飛虎III》呢?最緊要係觀眾鍾意!」
梁烈唯同苟芸慧今次由情侶變做夫婦,唯唯笑話:「之前話佢電我,𠵱家話我哋結咗婚,發生埋關係㖭!」聽講到𠵱家都唔知有冇床戲,唯唯聽到大家話要睇咀戲同床戲,佢話會主動要求:「係咪要我露啲胸肌,跟住苟姑娘挨喺胸肌上面睇電視,我諗都幾好睇。我嗰點好靚,苟姑娘嘅閃亮眼睛同我嗰一點有互相呼應嘅效果。」
版主:陳基征

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載