蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年07月01日

龍小菌教補習班星級學費

龍小菌除罩後不停被起底,除真名被踢爆叫蔡小茵外,昨日有讀者爆料指小菌將重操故業,於英皇教育兼職做老師,任教中四至中六的中文科,小菌拿着招牌面罩拍攝的海報曝光,希望憑知名度吸納學生慕名報名,大玩明星效應。
不過,小菌每四堂(下同)就收$620學費,跟其他補習老師最平收$190、最貴收$540學費比較,小菌收取的星級價錢十分昂貴,簡直拍得住補習天后身價,以她區區一年的中學執教經驗,未知成效是否實至名歸呢!

會考中文攞A

昨日本報記者致電小菌經理人邵子風求證,他承認小菌將於暑假兼職做補習老師:「教書係佢其中一個理想,一直冇放棄,否則唔會讀教育學院,𠵱家要發展歌唱事業,唔可以返傳統學校教書,做補習老師可以實現佢理想。」對於小菌收取星級學費,邵子風力撐說:「佢中文會考有A,雖然全職老師經驗只有一年,但好早已經幫人補習同代課。」
邵子風指小菌一直想做老師,又喜歡唱歌,但唱歌唔可以教書,現在魚與熊掌終可兼得,他說:「由暑期開始教,之後再教正規班,佢簽咗合約會長期教落去。」問是否歌手賺唔到錢,所以要兼職教書?他說:「兩個都係佢理想,同錢冇關。」小菌除罩後被指靚女似苟芸慧,現除罩後是否多了工作?他坦言:「傾緊美容同瘦身廣告,都想拍電影。」
採訪:林妃

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載