蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年07月05日

新聞小花惡鬥 照肺兩敗俱傷
張文采爆喊 黃紫盈強顏歡笑

無綫互動新聞台女主播黃紫盈疑遭張文采欺壓,上周在鏡頭前灑淚,據悉昨日眾主播為此被高層召返公司開大會,張文采被照完肺後爆喊,黃紫盈則強顏歡笑速逃,兩敗俱傷。因事件激起全城憐憫黃紫盈,被插爆大蝦細的張文采,獲男友羅鈞滿及幕後同事出面反擊,力撐她沒耍手段博上位,並影射黃紫盈博上位不果施淚功。

相關新聞:男友羅鈞滿代出頭

現年25歲的黃紫盈於上周四報新聞時,突然在鏡頭前眼紅紅流淚,有傳因黃紫盈臨急受命報新聞,撞着要錄影《周末闖蕩》,怕趕不及,幸得張文采答應頂替,怎知張反口,還以上司身份向她施壓:「𠵱家唔係你話得唔得,係我叫你去做!」據知由於互動新聞台主播沒有額外出鏡費,故兩女互相推搪不肯頂替因髮型問題未能出鏡的葉昇瓚,引發軒然大波。

據悉,兩女昨上班時扮作若無其事各自工作,因二人素來不和,故如往日沒交談,而張文采昨傍晚如常報天氣。而無綫很重視今次家醜外揚,昨日新聞部高層袁志偉向集團總經理李寶安滙報情況後,再找新聞部經理黃淑明訓話着她管好下屬。昨午眾主播被黃淑明召返公司開閉門會議,據知,張文采及黃紫盈被特別照肺,兩人均離不開被大罵一頓。會議後,張文采被目擊眼紅紅離去,並致電給友人爆喊哭訴;黃紫盈則於5時許現身電視廣播城2樓,木無表情的她低頭閃避鏡頭,對記者提問十問九唔答,強顏歡笑飄走。

相關新聞:黃婉曼:大叫細做嘢係正常

「同事戥張文采唔抵」

昨亦有自稱在無綫新聞部任職幕後工作的讀者向本報爆料,道出事件羅生門版本,該幕後人員說:「成班同事戥Wendy(張文采)唔抵,根本上件事係葉昇瓚個頭唔得,高層話睇吓邊個on duty,當時得黃紫盈喺位,高層叫佢幫手讀新聞,佢話唔得要錄段嘢,之後佢錄完出嚟都趕得切,嗰時Wendy返埋位,黃紫盈就叫Wendy讀,Wendy覺得一早叫咗你讀,點解叫番我讀,所以兩個有啲爭拗,但由始至終Wendy冇應承佢讀。」

該幕後人員又指整件事可能兩女都有錯,但不存在欺壓:「幾年嚟新聞部同事都睇到邊個有野心,但嗰個完全唔係Wendy,佢冇機心唔係博上位,佢個人儍吓儍吓,相反黃紫盈平時態度有啲囂,唔係好有人緣,喺新聞部得人心一定係張文采,佢哋一直唔啱,但冇今次咁出面。」而無綫外事部副總監曾醒明承認新聞部昨日有開會,他說:「新聞部有定期工作會議,今日有例會,但新聞部有別藝員科係獨立運作,八卦傳言唔會有回應。」
採訪:楊潔雯、王崇穎

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

《蘋果動新聞》新版App已經推出,居家遊行上街上網都咁方便,快啲更新,全民動起來!
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載