› 選擇地區
三藩市
紐約
洛杉磯
其他美國地區
香港 台灣 北美
 
2013年07月06日

黃金視窗:郭晉安嘮嗦福將

郭晉安是無綫福將,他主演的劇集《熟男有惑》收視不俗,他笑言救一救收視很開心。
攝影:陳順禎

郭晉安可算無綫收視福將,今年繼《老表,你好嘢!》收視高企後,連《熟男有惑》收視亦同樣不俗,雖然被指抄襲韓劇及美劇,但安仔一於少理,坦言有人講總比冇話題好。
撰文:王崇穎

近期無綫播出的劇集均收視低迷,幸好正播映的《熟男有惑》總算為劇集收視帶來一點驚喜,平均收視亦有26點(約167萬觀眾)以上,向來是無綫收視福將的郭晉安於劇中飾演律師盧甦,既cool又懶親切,當中的對白更十分抵死,令觀眾對安仔又愛又恨。

相關新聞:寧演賤精棄做靚仔

「監製話參考美劇」

雖然《熟》劇收視不俗,但卻被指抄韓劇《紳士的品格》、美劇《錯體大狀》(Drop Dead Diva)及《金牌律師》(Justice),安仔日前說:「有人話好過冇人睇,我覺得今次比較美劇色彩多囉,當日開會去傾時,監製都係話係想參考美劇元素,不過點都好,話抄襲呢樣嘢已經成為咗宣傳之一,咁𠵱家成套劇畀咗話題人哋去講,都係一件好事。」

安仔今年已經推出兩劇《老表,你好嘢!》及《熟男有惑》,而兩套劇均獲高收視,他坦言十分開心,貴為福將的他可算於劇集收視低迷的情況下,為無綫爭了一口氣,他說:「都算救一救㗎,咁我自己都好開心,因為兩套劇收視同口碑都咁好,𠵱家嘅觀眾大部份已經進入咗另一個年代,如果劇集有咁嘅質素先會開電視機睇,冇嘅話就寧願打機算數。」
由於今次該劇以四男四女的故事為主題,安仔坦言與其餘三位男士單立文(豹哥)、曹永廉和李思捷一開工便十分開心,大家更無所不談,安仔說:「我哋一開工就乜都講,講吓大家當初點入行,同點去捱番嚟,所以好多時大家埋位都好快進入到狀態,大家拍嗰陣都好開心,而且大家又唔會搶大家戲,加上我哋又好彩有豹哥,等佢令好緊張嘅劇情,都可以拉番鬆啲。」

自嘲做扯皮條賤格

劇中安仔飾演的角色帶點賤格,就連他自己亦有點不能接受,但他覺得又可反映到現實中打工仔的心態,他說:「其中有場講我要做扯皮條,幫我老闆做中間人,因為佢想搞陳敏之,叫我送隻手錶畀佢,暗示叫佢去開房,當時心態都係覺得,一個願買一個願賣,但呢個角色真係幾賤都做得出。而且又有場老闆要我飲茄汁加辣椒,心諗飲唔死,但唔飲就會死,充份表現出佢為討好老細,可以幾咁能屈能伸都會做得出。」
安仔表示整套劇集除了自己的角色外,他亦十分看好曹永廉所飾演的盛鳴一角,他說:「佢當中有四五集失蹤咗,但出番嚟之後,專登安排佢有好多騎呢同特別嘅造型,而且佢一想到啲乜都會即刻去做,令到大家對佢會有少少眼前一亮嘅感覺,近幾年觀眾想去睇啲演員可以比較多變化,反而唔想見到啲藝人太正路,最好要有突破。」

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

《蘋果動新聞》新版App已經推出,居家遊行上街上網都咁方便,快啲更新,全民動起來!
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載