› 選擇地區
三藩市
紐約
洛杉磯
其他美國地區
香港 台灣 北美
 
2013年07月06日

被睇中夥小儀重演爭產故事
顏福偉寸陳振聰貪心惹禍

商人陳振聰偽造及使用華懋已故主席龔如心遺囑罪名成立,昨日被判監12年。原來陳振聰的「傳奇故事」不但引起全城關注,更惹來不少電影人「垂涎」,欲在案件告一段落後爭拍有關陳振聰與龔如心的電影。蕭定一意屬樣貌激似陳振聰的顏福偉夥拍阮小儀,重演陳爭產的故事,顏福偉(福仔)昨得悉後,以短訊寸爆陳振聰:「貪心只會帶來更多的煩惱和痛苦。」

相關新聞:趙世曾:自己反省

華懋集團創辦人王德輝90年被綁架案,曾先後被拍成電影《重案組》及《綁架黃七輝》,07年華懋已故主席龔如心病逝,曾有電影人想開拍有關「小甜甜」傳奇一生的故事。不過,商人陳振聰自爆與龔如心的一段愛情故事,以致他偽造假遺囑被判監、最終貪字得貧的下場更引人入勝,在昨日陳振聰因偽造及使用龔如心遺囑罪名成立,被判監12年後,不少電影人欲搶頭啖湯開拍有關陳振聰故事題材的電影,包括電影公司老闆蕭定一及電影《爆3俏嬌娃》的監製黃永峰等。

片商爭飲頭啖湯

蕭定一昨承認有意開拍以陳振聰為題材的電影,並意屬樣貌激似陳振聰的顏福偉扮演陳振聰,夥拍曾被網民指最適合扮演龔如心的阮小儀主演。蕭定一昨在電話中說:「有興趣拍呢個題材,男主角我覺得顏福偉好似,女嘅我睇網友話小儀最適合,畢竟呢段愛情故事係中年先開始,所以男女主角可以演到尾。」阿一預計電影製作費最少一千萬,他解釋:「因為劇情要交代佢哋奢華生活,千萬走唔甩!」
剛拍完電影《爆3俏嬌娃》的監製黃永峰,亦有意打鐵趁熱開拍陳振聰傳,搶飲頭啖湯,他昨接受電話訪問時說:「我哋呢幾日keep住開會,打算籌拍陳振聰傳,呢個真係城中熱話,大家對佢嘅愛情故事心中有數。我哋想改戲名《甜甜搵你愛》,呢個名唔係要影射人,只係想交代愛情故事好sweet。男嘅想搵陳山聰,佢嘅經歷演起嚟代入感大啲,對手就考慮配剛脫罩嘅龍小菌,因為佢畀人好神秘感覺,好貼近撲朔迷離嘅故事女主人翁。我哋打算拍呢段廿年愛情故事,女主角老版會換上夏蕙姨(黃夏蕙),觀眾睇戲都想睇重口味,導演想邀請好有喜劇感嘅林敏驄,成個製作預計一千萬左右。」

相關新聞:玄學角度--區仲德:同老婆離婚化解

陳山聰不置可否

雖然被視為扮演陳振聰最適合人選,但顏福偉不感興趣,身在外地的他昨透過短訊回應:「你會認為我會拍嗎?我當然不會啦,請大家respect已故的人,我會為她念經,希望她早登極樂國土。」問到對陳振聰被判監12年睇法時,他回應:「貪心只會帶來更多的煩惱和痛苦。」至於被睇中扮龔如心的小儀,昨在電話中笑說:「我已經俾唐英年老婆取締咗㗎喎(曾被指激似唐英年太太郭妤淺)!如果真係嘅話就同公司傾囉,因為呢啲job,好多時都係公司決定。」對於陳振聰被判監12年,小儀則不予置評。
與陳振聰同被戲稱為「振山漢子」的陳山聰,昨在電話中不肯回應被邀扮陳振聰一事:「我冇回應,亦唔知佢判咗刑,唔好意思,我唔得閒,唔同你講住。」
採訪:林妃、比華利

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

《蘋果動新聞》新版App已經推出,居家遊行上街上網都咁方便,快啲更新,全民動起來!
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載