› 選擇地區
三藩市
紐約
洛杉磯
其他美國地區
香港 台灣 北美
 
2013年07月08日

馮仁昭四圍超:
城城Chilam 馬季食尾糊 - 馮仁昭

城城同張智霖再為「愛將」拉頭馬,今次已經係愛將喺呢個馬季嘅第三次冠軍。攝影:譚日華

郭富城情場失意,馬場繼續得意,噚日喺沙田煞科賽馬日,城城入場捧名下愛駒「愛的呼喚」同「愛將」,當中張智霖(Chilam)都係愛將嘅馬主之一,所以佢同小美都冒雨入場。雖然噚日喺雨中作賽,但愛將依然順利勝出跑第一,城城同Chilam一齊冒雨拉頭馬,但愛的呼喚就輸咗,今個馬季愛將好旺城城,出賽四次贏咗三次冠軍、一次亞軍,愛的呼喚都贏過一次頭馬,加埋總共為城城佢哋帶嚟超過153萬獎金。

城城好興奮咁話:「信心多過擔心,雖然第一次跑濕地,都應付自如,暑假會幫佢增磅,等佢成熟啲,𠵱家似BB。」問到城城不斷攞獎金係咪已回本?佢話:「大家都係鍾意賽馬活動,係一種gathering,入嚟同朋友聚吓,做吓善事,支持我隻馬仔,所以唔諗呢樣嘢。」

用獎金行善

城城又話計劃用獎金嚟做慈善:「之前賽車贏咗嘅獎金會撥入我慈善基金,再捐去聯合國兒童基金會,將來啲馬都會扣成本支出,撥嚟做善事。」另外,林建名同兒子林孝信都有入馬場,佢身邊仲有一位年輕女伴。
撰文:馮仁昭

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

《蘋果動新聞》新版App已經推出,居家遊行上街上網都咁方便,快啲更新,全民動起來!
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載