› 選擇地區
三藩市
紐約
洛杉磯
其他美國地區
香港 台灣 北美
 
2013年07月08日

岑杏賢冧仔 車廂調情四粒鐘

【灣仔星街→中環→海怡半島】今年24歲嘅港姐最上鏡小姐岑杏賢,前晚11點幾同男女友人一行五人先喺灣仔星街食飯,跟住轉場去咗中環夜蒲,周末酒吧好爆入唔到場,朋友冇癮走先,得番岑杏賢同男伴,兩人喺車廂共對調情四粒鐘,全程曖昧,但都冇下文,搞到男方非常冇癮。

岑杏賢嘅男伴開住寶馬送佢返鴨脷洲海怡半島寓所,點知到咗樓下又唔落車,兩人喺車廂傾咗約十分鐘,男伴又開車去咗七仔買水,一支兩份飲。擾攘後又開咗去海怡半島嘅暗角,嗰時已經凌晨2點幾,夜闌人靜,男伴突然手指指吓個嘴,示意岑杏賢錫錫,女方扭擰,搞到男方發𤷪𤺧,岑杏賢惟有施嗲功𠱁番,結果都冇錫,但男方㩒實車門又唔畀岑杏賢落車,搞到佢喊晒,男仔見狀又呵番,最後岑杏賢又喊又笑咁落車返歸,佢哋喺車廂獨處調情四粒鐘,真係冤氣。

夜蒲後失場

岑杏賢噚日原本要去荃灣出席無綫活動,但佢話唔舒服冇嚟,剩番張名雅等撐場,岑杏賢半夜瘟仔,當然唔夠瞓,佢噚日喺微博留言:「明明好了,昨晚突然變差…氣管發炎…還…失…聲了。」
採訪、攝影:彭琮然、羅德光、吳耀輝

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

《蘋果動新聞》新版App已經推出,居家遊行上街上網都咁方便,快啲更新,全民動起來!
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載