› 選擇地區
三藩市
紐約
洛杉磯
其他美國地區
香港 台灣 北美
 
2013年07月10日

搞逝世40年展覽
李小龍弟轟康文署過橋抽板

本月20日是一代巨星李小龍逝世40周年紀念,全球各地紛紛舉辦紀念活動,其中康文署當日將舉行大型李小龍展覽。不過,活動前夕卻爆出風波,李小龍胞弟李振輝日前向本報炮轟被康文署過橋抽板,指康文署最先跟他與胞姊李秋源籌辦展覽事宜,他們提供不少意見和資料,到頭來康文署未有再聯絡,但就起用了他們提供的小龍童年故居設計資料,令李振輝極憤怒說:「同我傾開,但突然屈尾十飛咗我哋,我覺得係完全不尊重。」

相關新聞:談小龍遺孀:關係唔太好

為期5年的「武.藝.人生──李小龍」於本月20日李小龍逝世40周年當日在沙田的香港文化博物館展開,日前有消息指展覽涉及太多李小龍童年在李家的資料,由於主辦單位康文署事前沒徵求李小龍胞弟李振輝等家人同意,李振輝及其家人也不獲主辦單位邀請出席,故李振輝去信康文署投訴不受尊重。

大前日記者聯絡上移居美國洛杉磯的李振輝,他大爆整件事始末,直斥康文署過橋抽板,不受尊重。64歲的李振輝在電話說:「大概兩年前,康文署首先contact我同我大家姐(李秋源),話想搞個李小龍展覽,仲帶埋我去沙田個展覽館度參觀。跟住我同家姐返番美國,佢哋話想過嚟同我哋再繼續傾,我話好呀,我特登上三藩市同佢哋再傾。我話我哋拍咗《李小龍》呢部電影,有個set不如拎出嚟擺喺展覽館度,可以畀人睇以前我哋屋企係點,佢哋仲話:『好呀!好意見。』但跟住冇晒下文。」

相關新聞:與龍有約:珍品展長達5年

擅用故居設計

直至月前,李振輝從李小龍會會長黃耀強口中獲悉康文署如期本月舉行李小龍展覽會,改邀李小龍遺孀Linda及女兒李香凝合作,初時李振輝還不以為意,他說:「我話唔緊要,佢哋鍾意點就點,但黃耀強同我講康文署繼續用小龍故居個set嚟做。咁就唔啱啦!攞晒我啲idea,同埋個set係我design,我come up每個idea,你攞咗我,咪侵犯咗我知識版權?我話唔得,黃耀強反映番畀佢哋聽,佢哋先至寫封信話對唔住,跟住問我有冇興趣返嚟,請我一個人返嚟參觀呢個展覽,我覺得好似俾人利用咗,攞咗我idea然後跟住佢自己走去搞,所以我好反感,我歡迎你哋搞個博物館,尊重我哥哥,但你一啲都唔尊重我同我家姐。」

「完全不尊重」

李振輝越講越㷫:「佢哋同我傾開,但突然屈尾十飛咗我哋,搵小龍太太,直情唔通知亦唔聯絡我哋,我覺得係完全不尊重,所以我好激氣,直情寫封信叫佢馬上停止,以前我話畀你用,𠵱家你咁樣對我哋。我話即刻要停止,如果唔係我告你。係李小龍會話畀康文署知我唔滿意,佢哋至寫番封信話對唔住,冇再講點解唔繼續同我哋傾,亦冇解釋點解搵咗佢哋嗰邊(Linda);第二係佢哋根本馬後炮,後尾至話不如我畀番張機票你過嚟,但佢有冇諗過我家姐呀?畀都畀兩張啦。我覺得佢哋好唔尊重我哋囉,佢哋咁樣做嘢,唔可以咁樣㗎嘛,要人就人,唔要人就陳大文。」
問原來的展覽設計佈置是否已修改?李振輝說:「改咗㗎喇,佢哋話肯定唔會用,但如果佢用親,我一樣照郁佢㗎。」李振輝已婉拒出席李小龍展覽活動。記者昨日就李振輝投訴向康文署了解,但截稿前未獲回覆。
採訪:戴彩煥

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載