蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年07月11日

秦沛女又換仔 戀上《星夢》仔

之前傳同日本男星山下智久拍過拖、再自爆七年前,同內地男演員拍拖,但被內地當紅女星撬牆腳,早排又傳同林德信拍拖,今次竟然輪到《星夢傳奇》o既鄭俊弘,有冇咁橋呀,邊個紅就傳邊個,買馬都冇咁盡啦。

早前憑《星夢傳奇》成功彈出o既鄭俊弘,曾經同無綫小小花沈頴婷傳過緋聞,但原來「真命天女」係另有其人,佢係邊個?就係秦沛女兒,現年27歲o既姜麗文,佢例牌否認同山下智久及林德信拍過拖,仲話自己鍾意「香港菜」多,鄭俊弘咪就係正宗香港菜o羅,啱晒佢口味,姜麗文仲激讚佢唱歌好好聽。

消息指鄭俊弘同姜麗文爸爸秦沛好投契,報道指2005年,鄭俊弘同秦沛拍《心花放》飾演兩父子而結緣,最後仲上契,佢地就由契兄妹關係,最後變成拖友。

報道指大前日(即係《星夢傳奇》首播翌日)鄭俊弘拖埋姜麗文,去尖沙嘴見一位高人,為鄭俊弘事業指點迷津,呢對小情人見完高人後,就到附近拉麵店醫肚,姜麗文仲幫男友抹汗,好細心,但其實佢地對戀情都好低調0架。

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載