› 選擇地區
三藩市
紐約
洛杉磯
其他美國地區
香港 台灣 北美
 
2013年07月17日

孫耀威賺台幣
拍拖睇百萬名車

孫耀威掛住睇靚車,剩低女友陳美詩呆企旁邊。
台灣《蘋果日報》

【台北】已經有13年冇拍台劇、40歲嘅孫耀威,最近同台劇女王楊謹華合作偶像劇《女王的誕生》,所以會喺台北住一段日子,佢自己都話要學做台北人。老孫女友、32歲嘅陳美詩過咗台灣探佢。前日老孫帶住女友同一個中年婦人,喺台北東區行街食飯,老孫打扮平實,陳美詩孭住個Chanel小手袋,平淡中見富貴。

鍾情瑪莎拉蒂

餘興節目就係去睇意大利名牌跑車瑪莎拉蒂(Maserati),去到陳列室老孫對一款GranTurismo 4.2 Auto黑色跑車情有獨鍾,呢款車定價成618萬新台幣(約160萬港元)。老孫對住件大玩具不知幾興奮,上車落車又開門又關門,只欠未開車出街跑番轉,而女友陳美詩好似唔係好感受到男友嘅興奮,冷冷咁企喺一邊。

正當老孫睇足十幾分鐘都未厭嘅時候,佢司機就通水話佢知有記者喺度影相,佢即刻安排兩位女士入休息室,臨上的士前仲不忘問車行職員攞咗卡片,先跳上的士引開記者,等兩位女士可以從容離開。
不過講返轉頭,台灣用嘅左軚車香港用唔番,唔通老孫打算移居台灣長住?老孫透過經理人回應就話,不嬲都鍾意趁拍戲空檔睇樓、睇車,有計劃喺台買樓,不過仲未郁手。
撰文:李森

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載