蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年07月17日

《衝II》吸225萬觀眾 收視No.1

無綫早前推出的重頭劇《金枝慾孽貳》輸收視輸口碑,幸前晚首播的《衝上雲霄II》終於爭番啖氣,《衝II》前晚首集平均收視高達32點,約205萬觀眾,最高有35點,約225萬觀眾捧場,暫時成為本年度首集最高收視的劇集,比之前勁收的《老表,你好嘢!》第一集還高出一點。其中最搶鏡的是張智霖(Chilam),他由開場chok到尾,被網民大讚靚仔有型,靚人靚景加上故事易明,觀眾自然受落。

相關新聞:惡搞主題曲變包青天

通訊局接11宗投訴

不過,雖然劇集反應相當不俗,但觀眾對林子祥(阿Lam)唱的《衝II》主題曲卻不受落,繼之前播映預告片時無綫接獲51宗觀眾投訴後,通訊事務管理局昨日共接獲《衝II》11宗投訴,其中10宗投訴主題曲太悲觀,令人產生負面情緒、令社會不和諧、不切合劇集主題及劇情、不動聽及令人不安;另一宗指劇集誤導觀眾。
昨日網上傳出《衝II》劇會推出林欣彤和林峯主唱的插曲和片尾曲,不禁令人懷疑無綫是否想以此取代林子祥的主題曲?對此《衝II》監製陳維冠昨在電話中回應說:「冇收到消息要換主題曲,林欣彤同林峯兩首歌其實一早預咗,我哋會視乎劇情配合輪流播出,亦唔會唔播阿Lam嘅歌。」
Chilam現正與太太袁詠儀在外地度假,對於劇集收視高開,他昨在電話中說:「真係好興奮,雖然呢個角色唔係完美,性格有乞人憎一面,但觀眾反應咁好,自己都諗唔到,如果收視可以到4字頭,香港航空最好送機票出嚟搞宣傳活動,然後送畀觀眾! 」問Chilam若無綫再開拍《衝》劇第三輯會否答應演出?他說:「無綫係一個好平台,如果時間配合,我都會再幫無綫拍!」

鎮宇頹廢look捱批

Sam哥吳鎮宇鏡頭前皺紋滿面,被Chilam搶晒鏡,鎮宇前晚在微博寫道:「聽講頹廢look不合某些人胃口,沒辦法,飛機頭只是開飛機時才會用上,等等,耐心點,先欣賞其他靚人、靚景頂住。」陳法拉昨日在電話中說:「雖然身在紐約,但幫到宣傳會幫,盡量post多啲微博。」
有份演出的傅嘉莉昨日在中環現身,她表示自己在第二集出場,至於被網民狂插的主題曲,她說:「套劇都十年,首歌好啱大家內心感覺。」日前在製作特輯中,播出她與吳卓羲的激咀片段,傅嘉莉笑謂:「呢場係臨時加,第一次拍好緊張,成日合埋眼,搞到拍咗超過十個take!」
採訪:林妃、盧妹

相關新聞:Chilam連攬兩女卓羲《衝II》狠批港女

倪匡、蔡瀾同肥佬黎約埋一齊《亂噏24》,你睇咗未?
唔睇冇話題,第一集足本放送中!速上:
http://hk.apple.nextmedia.com/livestream/channel/talk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載