蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年07月18日

自度風流形象滿足私慾
Chilam冧女封金句王

無綫重頭劇《衝上雲霄II》繼續爭番啖氣,繼暫時成為本年度首集最高收視的劇集後,前晚第二集平均收視33點(約212萬觀眾)、最高收視34點(約218萬觀眾)勁收。話題焦點仍然是飾演Captain Cool的張智霖(Chilam),前晚一集他攬完朱璇,又被陳法拉攬,花弗之極。原來角色性格是Chilam主動要求,監製兼編審歐冠英昨日在電話訪問說:「Chilam話佢希望角色要型又要風流,因為喺現實生活做唔到,希望滿足吓,大家好滿意呢個效果。」

扮超人搞笑

金句王上身的「Cool魔」,一句又一句的精警對白,亦受到網民熱捧,邊睇劇邊截圖,連吳卓羲說:「自私妹,港女,膚淺,拜金女,我講幾多次都夠膽講!」轉頭Chilam狂讚女人:「我覺得每個女人都係上帝嘅傑作,世界上冇一樣嘢可以代替佢哋,個個都咁可愛。佢哋一顰一笑,甚至一滴眼淚,我會將女人當係藝術品咁欣賞。」還有一句:「我雖然靚仔,但唔係儍㗎!」認真俘虜女人心。拍攝期間Chilam亦𠱁得各人很開心,當大隊在台灣拍外景時,貪玩的他與陳法拉突然扮超人姿勢,逗得身邊人哈哈大笑。

杏兒淡淡然

現時在新加坡的Chilam昨日在電話中說:「我只係想塑造一個風流而唔下流嘅機師,估唔到有咁嘅反應,今次完全係觀眾嘅鼓勵。」網上瘋傳稱,TVB有人問監製唱主題曲的人選,監製想由主角唱,所以覆WhatsApp話 「Cheung Chi Lam(張智霖)」,但有人竟將人名由右至左睇,變成「Lam Chi Cheung(林子祥)」,Chilam對此笑說:「我都有睇過,不過冇呢件事,TVB冇搵過我唱。」

此外,有份演《衝II》的胡杏兒昨日在北京出席電視劇《如果不曾愛過你》記者會,問到是否因陳法拉的戲份越來越多,以致她的戲份被刪減淪為配角?杏兒淡然表示:「不會有這樣的事。」
採訪、攝影:何慧斯、陶然婷

倪匡、蔡瀾同肥佬黎約埋一齊《亂噏24》,你睇咗未?
唔睇冇話題,第一集足本放送中!速上:
http://hk.apple.nextmedia.com/livestream/channel/talk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載