› 選擇地區
三藩市
紐約
洛杉磯
其他美國地區
香港 台灣 北美
 
2013年07月20日

觀眾讚頹得超班
鎮宇:捉心理中咗

等了十年,觀眾對無綫新劇《衝上雲霄II》期望很大,可幸收視甚理想,演員的表現也成為焦點。前晚Captain Cool(張智霖飾)和唐亦琛(Sam 吳鎮宇飾)兩大有型機師正面交鋒,之前鎮宇的頹廢look被張智霖比下去,前晚鎮宇飛機頭再現,即時成為觀眾話題,而Sam想起Zoe悲傷吃蛋糕一幕更令觀眾動容。

鎮宇爆有壓力

對於觀眾和網民大讚靚仔兼好戲,正在內地工作的鎮宇昨在電話說:「其實頹廢係刻意捉觀眾心理,𠵱家中咗好開心,都要多謝張智霖撐住。」至於吃蛋糕戲只拍側面沒正面,原來也有鋪排,鎮宇說:「唔拍正面係因為阿Sam隱藏咗大秘密,Zoe死時阿Sam唔喺身邊,我都唔知點演場戲,所以唔好拍正面。」

至於陳法拉的喊戲被批評流不出眼淚,鎮宇代說好話:「嗰場戲要趕時間轉地點,拍咗幾次法拉有喊,現場大風,眼淚易乾,對唔住都要收工,最後用咗呢個,只可以話觀眾咁都睇到瑕疵,感動唔一定有眼淚,Sam嗰場都冇。」對於收視35點,鎮宇坦言有壓力,希望有更佳成績回港慶功。

此外,有讀者指海外版《衝上II》竟轉用陳奕迅的《歲月如歌》做主題曲,但無綫外事部副總監曾醒明表示查證過並沒此事,因劇集在海外同步播映,只是網民上載自製版本。除林子祥外,林欣彤唱的插曲也受批評,她昨在新城電台接受訪問時說:「大家鍾唔鍾意我控制唔到,有意見下次會進步。」
採訪、攝影:王連連

倪匡、蔡瀾同肥佬黎約埋一齊《亂噏24》,你睇咗未?
唔睇冇話題,第二集足本放送中!速上:
http://hk.apple.nextmedia.com/livestream/channel/talk24

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載