› 選擇地區
三藩市
紐約
洛杉磯
其他美國地區
香港 台灣 北美
 
2013年07月29日

有興趣拍《衝III》
發哥自薦演Captain

周潤發(發哥)逾20年來首次接拍無綫有份投資、王晶執導的2014賀歲片《賭場風雲》,昨日他與謝霆鋒和杜汶澤等在將軍澳電視廣播城出席記者會。首次到訪電視城的發哥一向愛煲無綫劇,原來他也是《衝上雲霄II》fans,他大讚《衝II》說:「好睇吖,有靚仔、靚女、靚景。」問發哥有否興趣拍《衝III》,他說:「我一定要做Captain,不過係喺機艙入面嘅Captain,仲要喺機艙問『Table for two?』不過我怕捱唔住。」問到可能有床上戲,發哥風趣說:「我冇所謂呀,不過你哋問周太先啦。」
發哥對《衝II》劇情瞭如指掌,他說:「Cool魔(張智霖)同Sam哥(吳鎮宇)都好有味道,馬明就曳啲啦,咁多女,墾丁一個、香港又一個。」之後又評論杏兒角色:「上輯我冇睇,但係咪要咁對佢大佬呀?殺死人咁。其實8點半都好睇(指《師父.明白了》),翠如BB都做得好呀。」發哥也對電視牌照發表意見,他說:「好似上任政府應承咗㗎,今屆政府冇畀牌佢咩?遲啲啦,一定會批到嘅,多個台多啲嘢睇。」

「霆鋒離婚快過我」

此外,妙語連珠的發哥見到霆鋒,即搞笑說:「霆鋒大個仔喇,結埋婚生埋仔。」霆鋒即自嘲:「仲離埋婚。」發哥聞言愕然說:「呢個我唔知喎,對唔住,𠵱家連離婚都快過我。」問新片如何吸引他接拍,發哥笑說:「有王晶同劉偉強,仲加埋我偶像謝霆鋒,如果唔拍對唔住佢伯爺同佢媽媽啦。我同佢老爹合作過,當年佢好照顧我,𠵱家就係我報恩嘅時候,睇吓可以點樣恰吓佢啦。」
阿澤則透露拍畢《賭》後緊接拍《豪情2》,他說:「為咗AV girls我會不惜代價,唔可以丟中國人架,唔可以畀佢哋覺得係東亞病夫,要報國仇。」
採訪:藍文浩、黃曉妍
攝影:仇志德

杜汶澤、彭浩翔初會蔡瀾、黎智英!仲未睇?
第三集《亂噏24》足本放送中,即上:
http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載