› 選擇地區
三藩市
紐約
洛杉磯
其他美國地區
香港 台灣 北美
 
2013年07月30日

星夢爆激戰 處女馨單挑巨肺Mag

【C女郎】
王君馨不但身材養眼,連歌藝都相當了得。

無綫歌唱節目《星夢傳奇》前晚繼續錄影「星夢幫VS巨聲幫」的比賽,代表星夢幫的王祖藍、陳明恩和張振朗及王君馨,對戰巨聲幫的胡鴻鈞、馮允謙、譚嘉儀和林欣彤(Mag),六組人分三隊對決。監製麥鎮東表示,這次對戰中如果是星夢幫贏就沒人被out,但如是巨聲幫贏就要out走星夢幫中最低分的隊員。由於巨聲幫有比賽經驗,因此會讓賽20分。

祖藍自薦參加

祖藍代星夢幫出戰,他說:「睇過幾集,技癢自薦參加,我想俾人插同破低價(破最低分)。」這豈非累星夢幫輸?祖藍搞笑說:「鄭俊弘咁高分,我咪試吓拉低,輸咗就退出樂壇。」他又主動問是哪幾位評判,得知是肥媽瑪利亞、倫永亮、陳奐仁和恭碩良後,笑言:「好老友,唔好手下留情畀低分我啦!」而陳明恩和張振朗合唱,她表示:「 壓力唔大,不過今晚有少少發燒,鼻音重,但show must go on,係個學習機會。」
身為師姐的小巨肺Mag可能會拉高分數,她稱:「唔好咁講,一日未唱都唔知,盡力而為。」Mag對戰王君馨,她表示知君馨是唱得之人:「不過評判對我嚟講先係壓力,過咗聽日冇人記得你對邊個,但人哋就記得你唱成點,最緊要對自己有交代。」據知最後結果是巨聲幫勝出,因此out走星夢幫得最低分158.7的林子博。

前日下午的一集羅鈞滿請來被out的李璧琦合作出戰,她事後說:「今次係幫手,唔會好大壓力,以享受心情面對。其實未到最後都唔知邊個贏,啲新人好有實力,我都睇好姚兵。」另外,昨譚詠麟到商台接受訪問,之前他做《星夢》比賽評判,而評判之一的巫啟賢更收了鄭俊弘為徒,阿倫稱:「無綫係有想我再做決賽評判,不過冇時間。我亦唔會收徒弟,因為責任好大。」
採訪:黃曉妍
攝影:陳慧安

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載