› 選擇地區
三藩市
紐約
洛杉磯
其他美國地區
香港 台灣 北美
 
2013年07月31日

戀愛大過天 舒淇隨時息影

舒淇直言將來拍拖、結婚,就會退休。

舒淇昨晚在深灣遊艇會出席慈善晚宴,設計以法文愛「Amour」命名的白色手錶作慈善拍賣。直言最近是感情空窗期的她,經常被身邊人鼓勵拍拖、結婚,戀愛大過天的舒淇竟然表示假如真的拍拖、結婚就要退休,嚇得身邊人急急勸止。
舒淇昨晚穿上桃紅色tube dress現身慈善晚宴,她為大會的慈善拍賣設計「Amour雙心跳腕錶」,錶面有多個心心圖案,舒淇說:「呢個字係法文愛嘅意思,啲心心係代表拍拖個心卜卜跳嘅感覺。」問到拍拖時是否都有卜卜跳感覺?舒淇續說:「係呀,見到鍾意嘅人就有卜卜跳感覺,不過最近令我卜卜跳嘅係小朋友。早兩日去上海,見到林熙蕾個女,佢電一電我就即刻卜卜跳,不過我太遲報名做唔到契媽。」

不抗拒姊弟戀

舒淇直言最近沒有拍拖,亦沒有男士令她心跳。周迅與謝霆鋒秘密拍拖,脫離剩女行列,問舒淇可會心急拍拖?她說:「我唔急,不過我好矛盾,因為好多人叫我拍拖、結婚,但係如果我拍拖、結婚,我就會退休,但係啲人就話唔好,都係緣份,順其自然啦。」她又表示不介意另一半年紀比自己少:「Sweet就冇所謂啦!」

至於緋聞男友馮德倫下月9日生日,會否送自己設計的手錶作禮物?舒淇說:「吓?呢個係女仔款,佢要會send張單嚟,我有好多女仔朋友都係咁,生日想收實用嘢就會send張單上email,自己認購。」
採訪:林嘉慈
攝影:陳志嵐

【動主播召喚敢你就來】
立即報名: http://anchor.nextmedia.com

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載