› 選擇地區
三藩市
紐約
洛杉磯
其他美國地區
香港 台灣 北美
 
2013年07月31日

電視撈飯:淚的小花復工
黃紫盈捱眼瞓 凌晨報新聞

無綫新聞小花黃紫盈上月27日喺互動新聞台報道新聞時,突然喺鏡頭前喊,揭發佢同另一小花張文采為爭上位而鬧出小風波,有指事件令無綫高層怒不可遏,急召兩女主播「照肺」,勒令兩人要收口,黃紫盈仲被要求放大假避風頭。話都冇咁快,黃紫盈放完大假,已經返咗新聞部原有崗位,不過原本喺互動新聞台黃金時段報新聞嘅佢,𠵱家被「放逐」調咗去報凌晨12點鐘嗰轉新聞,唔通係再罰佢放假時喺facebook留言話自己係無辜委屈單嘢!
有網民好心痛,話知道黃紫盈唔捱得眼瞓,又有網民就話佢個樣有啲攰,不過有啲又讚佢狀態大勇。對於做深宵報道,有網民相信係臨時性,原來網民都識嘢,事關無綫外事部副總監曾醒明噚日都話,黃紫盈放完假就配合新聞部嘅編排輪班,係正常嘅更期調動。
另外,羅鈞滿之前再幫無綫主播女友張文采出頭,話件事有人搞屎棍,不過佢噚日出席活動時否認有講過:「件事都過咗咁耐,唔應該再講,𠵱家仲係敏感時期。」佢仲話公司都希望女友講少句:「佢嗰邊唔想主播成為娛樂新聞人物,我都明白,總之工作可證明一切。」

陳嘉欣坐正做主播

至於另一個活躍於翡翠台嘅小花陳嘉欣,一直深受網民歡迎,佢唔止做黃金時段嘅「新聞提要」,睇睇吓人氣劇《衝上雲霄II》見到佢,直情喺日前(29日)開始坐正做「午間新聞」主播,位已上!
版主:陳基征

【動主播召喚敢你就來】
立即報名: http://anchor.nextmedia.com

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載