› 選擇地區
三藩市
紐約
洛杉磯
其他美國地區
香港 台灣 北美
 
2013年07月31日

周迅VS栢芝 霆鋒新歡舊愛比一比

昨日傳出謝霆鋒同內地花旦周迅因為睇搖滾騷撻著,不過因為前妻張栢芝一直想復合,霆鋒亦唔想栢芝生醋意,所以低調同周迅交往,不過紙始終包唔住火。

周迅同張栢芝都係好戲之人,兩個都係影后級人馬,不過講到形象同層面廣,雖然周迅年紀比栢芝大,但依然略勝一籌。加上周迅都叫進軍過荷里活,拍過西片《雲圖》,而且喺中港台三地奪獎無數,又係好多時裝名牌寵兒。相反栢芝復出之後,票房失利不特止,仲被人狠批演技浮誇,認真黑仔。

38歲周迅90年代開始拍好多內地電視劇,演技一直已經受到肯定。電影方面,06年憑《如果·愛》橫掃中港台影后,包括香港電影評論學會大獎 、亞太影展、香港電影金像獎、香港電影金紫荊獎、台灣金馬獎等。

而張栢芝亦曾經憑《忘不了》奪得香港電影金像獎影后,可惜後來一度息影,復出後演技漸見浮誇,慘成「金話梅」最爛女主角。

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載