蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年08月04日

尾場個唱 自認患躁鬱症
Eason失控狂寸觀眾

陳奕迅(Eason)在紅館舉行個唱期間曾有幾場出現情緒問題,對台下觀眾表現冷淡,沒安哥就散場,前晚尾場個唱他直認患了躁鬱症。壓力爆煲的他整晚勁發牢騷,失控狂寸觀眾在他演繹慢歌時大叫,以及只顧用手機拍照,極不尊重台上表演者,幸而觀眾並沒介意他的嘮叨,現場氣氛依然高漲。

做藝人要承受無比壓力,很容易患上情緒病,繼林欣彤和李若彤等後,早前有報道指陳奕迅患了躁鬱症和人群恐懼症,前晚陳奕迅在尾場個唱慶功宴上承認自己患有躁鬱症,而他前晚在個唱中更壓力爆煲失控狂寸觀眾。
Eason在紅館舉行的25場個唱前晚尾聲,情緒爆煲的他忍不住連環教訓歌迷,先是當他演繹快歌時,見到小部份觀眾沒有起身跳舞,他便半跪說:「皇上請起,再請,三請!」見到仍有部份觀眾未有理會,他便笑笑口道:「原來跛嘅!」擺明寸fans不企起身跳舞。

不滿歌迷掛住影相

之後Eason獻唱慢歌《陀飛輪》前說:「請大家靜靜!」可惜差不多唱畢這歌時,有歌迷突然大叫:「Eason!」又有歌迷無厘頭大叫:「Joey!」令台上的Eason不耐煩,做出一個反轉拇指向下手勢,以表不滿,然後說:「原先有啲嘢想同嗰啲人講,但都係睬佢都儍,黐嘅,其實我真係有啲唔開心,嗰句嘢真係唔及格!(指觀眾突然叫他)」之後Eason伸出手再說:「同我隻手講嘢啦,我唔想同佢講嘢,同我膝頭講,影響晒!下次不如借王菲嘅大聲公講,真係好慘,同你哋溝通唔到!」
安哥時,Eason特別演繹新歌《床頭床尾》,表明特別送給夫婦和情侶,之後他再發牢騷:「你哋應該戒咗喺慢歌度叫,要尊重台上嘅人,有痰就入廁所,喺廁所點都得,呢啲文化要轉吓,如果唔高興自己諗啲方法,或者去旺角某條街,自己搞掂。」
跟歌迷握手時,Eason突然拿了女歌迷的手機,作狀要將它擲到地上,後來他唱《單車》後說:「大家幾時唔用眼睛,只對mon(手機螢幕),剛才我真係有啲㷫,點解你哋只掛住影相,完全唔尊重。」接着他扮拿着電話的手勢,笑指以後大家這樣溝通,又坦承自己有點囉嗦。之後Eason搞笑謂自己已到國際級,他說:「我識章子怡㗎,仲唔係國際!」

宣佈拒絕後台合照

除了fans外,Eason連圈中友好也不放過,他說:「我有嘢要宣佈,希望以後堅持開騷後,唔想再喺後台影相,我同VIP朋友講,我真係好攰,我越來越懶,之後可能簽名都唔簽,但可以錫囉!日後唱片會送錫嘴會,但錫完唔可以錫屋企人喇!」據悉今次個唱舉行期間,Eason情緒極度不穩,不時在完騷後,因不滿歌迷表現或自己的演出,一度反鎖自己在房間內,甚麼人也不接見,要經理人陳家瑛及老婆徐濠縈開解。前晚尾場,Eason將牢騷爆發出來,不過歌迷並沒因此不滿他,反欣賞他夠真,現場氣氛仍然高漲,前晚他安哥了六首歌,至凌晨12時才完騷,被罰款六位數字。

「自己發自己脾氣」

對於猛發牢騷,Eason在慶功宴上直言:「我真係好𤷪,台上觀眾亂叫,但我好後悔講咗嗰句(叫大家靜靜),講咗都冇意思。」他更自封為「Global Chan」:「𠵱家要由local變國際。」對於患躁鬱症及人群恐懼症,Eason直認說:「係人都有,我有非洲恐懼症,喺外地就有華人恐懼症,但我真係有講過,報道係如實報道,好好吖,冇作到。」問可有看醫生?他說:「冇,只係自己覺得啫,如果喺街有人話我黐㗎,我會答,你點知㗎!」追問Eason為何會有感而發,他說:「我14號開始作感冒,休息後表現都唔好,有綠色嘅痰,所以自己發自己脾氣,自己𤷪𤺧。」
Eason的《歲月如歌》未能成為《衝上雲霄II》主題曲,他坦言感到可惜:「我有自薦過(用他的歌),但因四大唱片未解決,最後冇傾。」但他也讚林子祥的新主題曲好聽。
採訪:王連連
攝影:葉君海

五六年拍一部戲?講到嬲嬲哋,肥佬黎教王家衛拍戲!
想睇今周足本《亂噏24》?蘋果網站動Live預埋你。
http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載