› 選擇地區
三藩市
紐約
洛杉磯
其他美國地區
香港 台灣 北美
 
2013年08月06日

法拉姣擒Cool魔
Sam哥慘變毒男

大家上個星期估咗勁耐,陳法拉同Cool魔有女上男下激烈床戲,但香港版就話會刪,得馬來西亞同新加坡等地有得睇,觀眾當然想捕住電視畫面,睇吓刪淨啲乜,最後總算有好大驚喜!

Cool魔同Holiday點撻著?一個字:開鎖!開咗法拉隻手鐲個鎖,法拉就已經投懷送抱,主動向Cool魔獻吻。之後兩個就把握時間二人世界,去咗遊車河,咁啱遊到油都冇晒!又咁啱,去咗一間冇人嘅古堡,孤男寡女共處一室,加上少量酒精,當然就係曳曳之時!

Holiday先跳一part艷舞色誘Cool魔,然後再主動騎上Cool魔身上,又蒙住Cool魔對眼。跟住一除,裸背睇晒,仲疑似冇戴bra呀!場面勁香艷囉!

可惜嘅係,當大家以為Holiday及Cool魔仲有更激戲份時,呢個時候,就...去...廣...告...啦!網民都睇到無晒癮!場戲就唔知Cut咗幾多,唔通真係要睇返海外版先知?

不過開個鎖就可以暢遊古堡咁爽YY,難怪有網民話走去報讀開鎖課程,實行做個開鎖佬!

另一邊廂,平時型爆嘅Sam哥憶起亡妻Zoe一幕,都令人動容。

劇情講Sam哥喺Holiday間房發現「緣份天使」Triangel,佢就珍而重之好好收藏,佢仲化身「毒男」,無論搭飛機時或返到香港屋企後,都Keep住索Triangel,起碼聞咗四次!期間仲諗返好多佢同Zoe往事,昔日片段好感人!到底Sam哥係咪鼻塞,而Triangel又係咪有薄荷味,可以通鼻塞呢?

此外,有網民就發現Holiday經常戴住隻手鐲,原來就係劇集贊助之一,六福珠寶嘅最新產品,一套連匙連鐲盛惠港幣32500。當然,偉大祖國嘅淘寶梗係有售喇,包郵都係198人仔咋。

【動主播召喚敢你就來】
立即報名: http://anchor.nextmedia.com

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載