› 選擇地區
三藩市
紐約
洛杉磯
其他美國地區
香港 台灣 北美
 
2013年08月10日

誕女派完朱古力
袁彩雲趕餵奶

袁彩雲周一在港安醫院誕下6磅幾囡囡Alycia,昨日彩雲在醫院門外見記者,並大派朱古力,由最近參加無綫歌唱比賽節目《星夢傳奇》的林子博做代表接受禮物。雖然彩雲老公江銘峰及囡囡未有現身,但她為囡囡影了數張大特寫,出世未夠一星期的Alycia頭髮濃密,樣子十分標致,擁有深深的雙眼皮及高鼻樑,當然少不了心形小嘴。

順便割纖維瘤

化了妝的彩雲中午12時半在醫院外見記者,穿鬆身上衣的她未收身,卻非常精神,彩雲說:「陀B時肥咗30幾磅,BB出世嘅時間好好,過程都好滿意,原本打算順產,但因為阿女個頭未轉晒,所以要開刀,但開刀發現有個纖維瘤,既然點都要切一刀,所以就割埋個瘤,為個女開刀好過為個瘤。」
彩雲透露原來老公江銘峰有提出過可否不陪她入產房,但最後都有陪她,彩雲說:「過程中我好清醒,可以捉住老公隻手傾偈,見到個女出世我感動到喊,老公就錫我額頭安慰我。」她表示生完第二日便落床,連醫生都讚她康復得快。彩雲說:「我餵咗第一次人奶,但好少,今朝5點就已經開工,身材都升咗cup,好開心。」

「我想生3個」

彩雲會在港逗留兩個多月,老公要回加拿大搵奶粉錢,所以會比她早回加國,但有家人及陪月員陪她坐月,之後才與囡囡回加國,彩雲謂:「坐完月就趕住返去見奶奶,中文名都係等奶奶改,我中文唔係咁好。」
彩雲還表示想盡快調理好身體,準備再生,仔女也沒問題,彩雲謂:「老公話兩個就夠,但我想生3個。」由於女兒還在醫院,彩雲見完記者趕回醫院準備餵人奶。
採訪:胡比
攝影:仇志德

講電影變講國情,阿澤彭導最後一星期做嘉賓,
未睇?即上《亂噏24》重溫!
http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載