蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年08月10日

是我小時候:吳若希窮寶寶大作戰

【8歲】
吳若希在福建出生,對家鄉份外有親切感。

一篇買麵包文章,慨嘆香港貧窮問題,令吳若希贏盡網民讚賞。其實她也感受過窮人的滋味,那時她只有七歲,父親因生意失敗破產,但父母刻意隱瞞家裏巨變,有一晚吳若希看到媽媽躲在房內偷哭,嚇得她即攬着媽媽。
撰文:林妃

歌手吳若希於福建出生,父親在當地經營酒店,小時候快樂不知愁滋味,她說:「我喺福建長大,細個父母要做嘢,只有爺爺嫲嫲陪我。記得以前最開心係媽咪同我去海灘,有次我同堂姐游水,一個大浪冚過嚟令我浸親,好在堂姐即刻扯起我,但都飲咗幾啖海水。」

屋企破產

本來過得很快樂的吳若希,7歲時卻遭逢人生巨變!吳若希苦笑:「嗰時爸爸因為酒店生意差,迷上咗賭博,後來屋企破產,環境變得好差,當時自己仲好細,唯一記得有晚媽咪匿喺房喊,我即刻呵番佢。」

爸爸生意失敗後,10歲的吳若希跟着家人來港生活,她說:「初時好唔慣,成日喊,好在自己適應能力算高,好快追到香港功課,同啲同學嘅關係都幾好,不過因為廣東話唔正,有時會俾同學笑,但自己唔怕醜,問番佢哋點講。」性格開朗的吳若希,學懂更積極面對人生,她說:「我想搵多啲錢,進步多啲,可以令屋企人生活好啲。」

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載