› 選擇地區
三藩市
紐約
洛杉磯
其他美國地區
香港 台灣 北美
 
2013年08月13日

祖兒國語力擸四獎大贏
G.E.M.為宥嘉守貞操

前晚《新城國語力頒獎禮2013》在灣仔圓滿結束,容祖兒和林俊傑各勇奪四獎齊成為大贏家(詳見附表)。在頒獎禮上繼續以緋聞做賣點,首當其衝的當然是在台灣出席金曲獎時,與林宥嘉手拖手公告戀情的鄧紫棋(G.E.M.),除了連環播放兩人拖手的相片外,司儀更不時在她面前叫宥嘉,令G.E.M.只好尷尬地陪笑。容祖兒和何韻詩這對過氣緋聞戀人亦不例外,當何韻詩在台上唱得獎歌曲時,鏡頭不時影着祖兒。男子組合AK亦在台上宣佈拆夥,可惜台下零反應!

「令我有壓力」

因奪得3.5個獎的關係,被玩足全場的G.E.M.笑說:「唔知點解俾人擺咗上枱,我唔會嬲。」談到日前在微博上狂呻被追問戀情問題,她說:「我有少少唔開心,無論大家講緋聞又或者取笑我都好,只要觸碰到我某啲底線,會令我有一定嘅壓力。」她續說:「尤其係啲成人內容嘅話題,好似我返咗一個禮拜,做咗三次訪問,但係三次都係關於嗰啲內容,呢一年去咗好多內地、台灣宣傳,有時啲報道會傳嚟傳去,變咗好誇張,有時仲好似真事,變咗我會覺得呢個好似係G.E.M.畀大家嘅印象,令我好冇自信,仲令到我好有壓力。」問到她堅拒婚前性行為是否沒有變時?她認真地說:「我信念係冇變!」接着又問她會否在香港與男友公開拖手?她笑說:「我第一次俾人影係喺香港,以後有機會,適當嘅時機先喇,下次如果冇化妝,唔好戴口罩,戴個超算喇!」
大贏家容祖兒亦被問到被玩緋聞一事,她抵死地說:「點都好過G.E.M.喇!我真係覺得使唔使講咁多次呀?如果我係佢,我會去廁所避吓先!G.E.M.真係好脾氣!」有人笑指何韻詩避她不出席慶功,她笑說:「黐㗎,第一個出場,有嘢做都正常!」

寸Eason鬧歌迷

現場見到祖兒全晚表情欠奉,她坦言:「有時攰到冇心情講嘢,我都想喺演唱會之前去吓旅行,叉叉電。不過我覺得每個香港嘅歌手都有病,樂觀嗰啲就可以樂在其中,唔成功嗰啲就會鬧歌迷!」她笑稱為免Eason以為借他宣傳,所以不再多講!另一大贏家林俊傑(JJ)在台上被G.E.M.祝福早日追到女神,事後JJ說:「我自己想沒有用,要看緣份。」此外,新城電台台長朱明銳否認與環球唱片不和,只稱他們有部份歌手因檔期問題而未能出席。
採訪:何慧斯

新城國語力頒獎禮2013部份賽果

全國最受歡迎偶像

林峯 / 胡夏

全國最受歡迎歌手

謝安琪 / 周筆暢 / 容祖兒

亞洲人氣偶像

鍾欣桐 / 黃鴻升

亞洲歌手

何韻詩 / 謝安琪 / 林𥧌

熱播冠軍歌曲大獎

《加大力度》容祖兒

年度歌曲

《零度的親吻》 林俊傑

年度歌手

G.E.M.

國語力女歌手

鄧福如/鍾欣桐/G.E.M./A-Lin

國語力男歌手

黃鴻升/胡夏/信

殿堂歌手大獎

巫啟賢

全球最受歡迎歌曲

《加大力度》容祖兒

全球最受歡迎歌手大獎

容祖兒/林俊傑

資料來源:新城電台

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載