› 選擇地區
三藩市
紐約
洛杉磯
其他美國地區
香港 台灣 北美
 
2013年08月13日

望住BB跟仔入房
峯峯當眾痛哭喎

林峯為咗千語BB喊????仲係當眾喊????

報道係咁講嘅,呢排林峯忙於喺橫店日夜趕拍劇集《大漢賢后衛子夫》,同千語BB分隔兩地,惟有男方不時向劇組請假返港短聚,又或者hand carry埋女友上橫店陪開工。感情有增無減之餘,亦睇得出,峯峯,真係好愛好愛好愛好愛好愛好愛好愛BB,好需要BB。咁BB呢?多篇報道都話,千語趁住依家仲完全食得住峯峯,所以屢次迫婚,希望早日嫁入坐擁20億身家嘅林家。無奈,峯峯話依家係事業搏殺期,唔諗住。

日前峯峯返咗香港,出席新城活動同港姐活動,咁當然,主菜都係見BB。峯峯於8月9日晚出席新城個騷時,都漏口風話:「頭先食咗啦」當然係指同BB食咗飯,而唔係食咗BB。咁第二日呢,原來兩人去咗陸羽飲茶,原來之前嘅某一日,佢哋仲拉埋音樂人好友莊冬昕(即係「食軟雪糕」嗰個)一行三人去咗做腳底按摩。咁,嗰日發生咩事呢?

是咁的,報道話,當時三人要分別選擇技師。千語BB明明坐喺男友身邊,又明知男友易呷醋,點知千語BB仍然堅持要搵男技師。有說當時林峯喺BB耳邊不停勸止:「唔好啦BB,點得㗎,搵個女㗎啦!」但千語BB仍然唔聽。

最煽情一幕,終於來到。男技師來了,門打開了,千語BB同那男技師起入房了。峯峯望住BB同男技師嘅背影,視線慢慢模糊了………一切變成蒙太奇那樣,然後,峯峯哭了,喺眾目睽睽之下,反反覆覆謂:「我咁錫佢,點解佢要咁對我……」莊冬昕不斷安慰,都無用。

報道指事後有向林峯求證(即係林峯出席新城音樂會當日)事件,峯峯回應係:「呢啲問題我係唔會答。」莊冬昕都話:「私人嘢唔講。」

係真唔係呀?上次峯峯喊,係爆出潘霜霜床照嗰次,但峯峯都只係眼濕濕,未至於痛哭㗎喎……

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載