› 選擇地區
三藩市
紐約
洛杉磯
其他美國地區
香港 台灣 北美
 
2013年08月15日

Cool魔被飛
藍莓倒奶有得睇?

噚日嗰集《衝上雲霄II》Sam哥(吳鎮宇飾)終於放低亡妻蘇怡(胡杏兒飾)。一直以來,Sam哥對外宣稱蘇怡係喺佢懷中逝世,但只有Holiday(陳法拉飾)先知呢個並唔係事實,仲希望佢能面對現實,解開心結。

由於蘇怡喺高雄將Triangel交給Holiday後就逝世,Sam哥一直唔肯飛高雄,Cool魔知道後質疑佢點解有特權,結果Sam哥恢復飛高雄線,卻因壞機而被迫喺當地留宿一晚。當全機組人員都出外玩時,惟獨Sam哥唔肯離開機場,剛巧Holiday去高雄出席朋友婚禮時遇見Sam哥,Holiday索性逼佢面對現實。

之後Sam哥終於向Holiday喊住吐心聲,原來佢喺英國陪蘇怡時,蘇怡唔想Sam哥陪佢等死,於是趁Sam哥外出買整蛋糕材料時不辭而別,獨自遠走高雄。

Sam哥去過蘇怡喺高雄去過地方,時空交錯下,喊住幻想自己陪蘇怡走過最後一程,最後喺高雄機場同蘇怡拖手話別,Sam哥放手同時,亦解開心結。呢場真情剖白戲,完全係鎮宇演技晒冷,演出令人動容。

另外,Holiday由台灣返港後,就同Cool魔(張智霖飾)分手,甚至搬離Cool魔寓所,就算男方如何甜言蜜語挽留,Holiday亦狠心作出決定,因為佢發覺自己最愛並唔係Cool魔,因為自己最放唔低嘅,仍然係逝世男友Daniel,生性風流嘅Cool魔,難逃俾女飛滋味。
此外,今日呢集會講 顧夏晨(胡杏兒飾)同班同事一齊會去三亞旅行,同陽光玩遊戲,當然少不免三點式啦,其中一個鏡頭就係影住Jose個樣,但此圖重點係Jose身後嗰位着住三點式「倒奶」的女藝員,不過就見唔到樣,其實噚晚播預告好多網民已經火速截圖,佢哋仲一估就估到係藍莓呀,究竟藍莓有幾sexy?今晚睇過咪知囉﹗

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載