› 選擇地區
三藩市
紐約
洛杉磯
其他美國地區
香港 台灣 北美
 
2013年08月20日

嘉欣指奶奶唔恨湊孫

李嘉欣昨日為Shiseido在中環的新店剪綵,同場還有林德信、汪詩詩、Jocelyn夫婦及Cara G.夫婦。李嘉欣勤練近期大熱的空中瑜伽,明顯清減不少,連面頰都凹陷,她表示凌空一字馬完全冇難度:「其實係力學,加埋我啲筋好鬆,𠵱家都係呢個方向做,要練六嚿腹肌。」問她是否受肌肉男張家輝效應影響?李嘉欣自言向來喜歡做又黑又乾的人,只是從前被人話「嘥氣」,現時會努力朝目標進發,並謂六嚿腹肌已成形兼有人魚線。

勤練空中瑜伽

問李嘉欣會否叫老公許晉亨齊齊操弗?她笑謂:「我最唔想喺gym room見到嘅人就係佢,佢知道我練空中瑜伽,問我會唔會整到腰,又話會斷骨同半身不遂。我教佢做,佢做三下就話自己有(線條)啦,我話不如我幫你畫啦!」
早前有報道指李嘉欣去歐洲外遊時,把兒子小JM(Jayden Max)交託家姐李嘉明照顧,直指婆媳關係惡化,李嘉欣笑謂:「冇去外遊,我都好想,最好去三個月。嫲嫲麻麻地(湊)孫,佢好搞笑,見到我辛苦就話『你慢慢捱啦!』」奶奶不恨湊孫?她反問道:「你話呢?咁辛苦梗係唔想重溫啦!」至於是否婆媳關係不好,李嘉欣笑住答:「太過倫理,舊咗少少囉。」

Cara G.成功造人

同場的Cara G.今年年初與Jesper結婚,直言想生BB的她,昨日宣佈懷孕三個月說:「我好surprise,因為之前老公喺外地工作,只見過一次,可能因為佢儲夠energy,所以一擊即中。」而汪詩詩承認購入1億3,500萬元豪宅,早前又被指豪花41萬買傢俬,她說:「買傢俬唔係真,不過獨立屋係我哋兩公婆投資畀小朋友將來嘅,𠵱家裝修緊。」
採訪:林嘉慈

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載