蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年08月27日
馬上成為壹會員

秋官孖妻女開餐遭響按嚇窒

秋官前日帶埋細女鄭詠曦去開餐,過馬路時兩父女眼神步伐好一致。

【跑馬地↹銅鑼灣】鄭少秋幫無綫拍嗰部劇集《心戰》上年出街之後一直未見再有新作,可能佢想休息吓同多啲時間陪吓家人啦!好似前日咁,記者就見秋官同老婆官晶華以及兩個女詠恩、詠曦一齊食飯享受天倫之樂,其中細女生得有爹哋咁高又白白淨,都算靚女。開完餐之後,兩個女仲留番啲時間畀父母拍拖行街,認真識做。

拍拖濕平齋睇

前日下晝5點45分左右,秋官孖細女由跑馬地禮頓山屋企方向行去銅鑼灣開平道Cubus大廈嘅食肆食晚飯,兩父女沿途有傾有講。原來官晶華同大女詠恩一早喺食肆等秋官,佢哋一家四口食到夜晚7點半就齊齊落樓走人。兩個女同媽咪特別好傾,三個人一路雞啄唔斷咁講,而秋官就慢慢喺後面行,仲一路行一路諗嘢。四個人行到去安全島等過馬路嗰陣,突然有車響按,嚇到秋官成個彈起咁滯,跟住即時四圍望,以為有危險,後來秋官知道冇事後先至鬆一口氣。

食飽之後,官晶華想睇衫,秋官於是陪老婆走去附近間I.T,而兩個女就好識做,蹺晒手先行返屋企,留番啲時間畀父母拍拖行街。秋官先陪老婆大人睇女裝,不過官晶華睇咗15分鐘都唔啱心水,之後就輪到秋官睇男裝,但兜咗一個圈之後又係睇唔啱,跟住兩公婆就有傾有講咁行返屋企,生活真係好寫意。
採訪、攝影:朱志聰、徐錦池

一副24字的對聯影響蔡瀾一生,今集《亂噏24》,蔡瀾為你逐句解釋!
點擊以下連結,全集即時重溫!
http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載