› 選擇地區
三藩市
紐約
洛杉磯
其他美國地區
香港 台灣 北美
 
2013年08月27日

馬明狼擒黑絲儀 激戰兩場唔夠喉

嚟喇嚟喇,馬國明同江美儀呢一對喺《名媛望族》嘅母子,喺昨晚嗰集《衝上雲霄II》嘅世紀床戲,終於,都發生咗喇!大家嘅嘴巴,合得埋未?
呢場世紀床戰,又係發生喺台灣,即係上次馬明、江美儀同鄧梓峰住嗰間酒店。事情嘅始末……應該係話,究竟兩個明明喺沙灘上曬太陽,點解無啦啦走咗上床呢?姑且睇睇兩人講咗啲乜。呀!未講馬明係借沙灘上,一對對熱辣辣攬埋一嚿嘅情侶,打開話題,之後就開始調情添。
到返咗上房,本身就分開入返自己房嘅,不過後尾出露台之後,一句「不如一齊沖涼囉?」
然後鏡頭一轉,兩人已經碌咗落床,如兩條溺水的魚。再然後?鏡頭已經pan咗去窗簾布,隨風晃動,一秒,兩秒,三秒,四秒……足足影咗窗簾九秒,就完事了。鏡頭已經見到牆上的鏡,見到嘅應該係裸身嘅馬明,輕撫黑絲儀的臉,安撫佢剛躁動完的情緒……
馬明情深地望住黑絲儀問:「喂,得唔得呀?」 哦!請俾分。黑絲儀答:「得」 滿分。馬明就答:「我都得」 即係,佢都俾黑絲儀滿分。
既然大家都攞滿分,馬明意猶未盡,想再吻,黑絲儀一把止住了他:「我哋唔可以咁,再係咁落去,我驚我哋關係會變質,我唔想再冇咗你呢個朋友。」馬明就:「我都係咁諗,不過……」 佢對「毒眼」又已經射咗落黑絲儀性感的鎖骨上:「不過呢,你嘅鎖骨真係好性感呀。」
黑絲儀接:「只此一次。」 馬明:「唔計今次?」跟住就撲埋黑絲儀度,又嘴喇……難怪網民們都驚嘆:好重口味呀!
反相Sam哥同何年希,呢集一拖一攬就夠晒童話,好sweet!好似回到中學時!不過,預告都講埋今晚會3對情侶都會咀,當中包括重口味嘅馬明同黑絲儀,即係仲有第3次喇……

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載