› 選擇地區
三藩市
紐約
洛杉磯
其他美國地區
香港 台灣 北美
 
2013年08月28日

發哥親民 撩混血男揸機自拍

周潤發、謝霆鋒、童菲、景甜、吳辰君及王敏德等,前日在元朗博愛醫院繼續拍王晶及劉偉強新戲《賭城風雲》,劇情講演霆鋒哥哥的伍允龍被打死,而演發哥女兒的童菲亦遇襲失憶,發哥到醫院探望。
發哥以藍色上衣灰褲及黑鞋潮look和發嫂到場,貴為國際巨星的發哥,仍表現親民,到埗即跟現場工作人員及演員打招呼。當拍攝完其中一個鏡頭時工作人員表示要拍多次,發哥笑問:「有乜要改善?」工作人員解釋因演醫生的演員講對白不夠清楚。

睇港姐嫌寡

王敏德、景甜及澳門演員古天祥趁空檔時和發哥影相留念,發哥主動拿起他們的手提電話自拍,他似乎對古天祥特別感興趣,不時問他的背景等,古天祥指自己有西班牙血統,發哥搞笑問他:「你老竇點識你阿媽?」令現場氣氛更輕鬆。今次發哥跟不少新人合作,他笑謂:「仲新人?童菲我同佢合作過《大上海》,沈震軒都拍過好多劇,我叫佢師傅至真。」稍後發哥要和沈震軒有場對打戲?發哥笑稱:「唔使打喇,我開一槍佢就死,打就交畀張晉同霆鋒,我哋呢啲放毒針,笑騎騎放毒蛇。」
一向鍾意煲劇的發哥有否看港姐準決賽?他直言:「睇咗少少,不過冇歌舞,𠵱家好寡。」提到觀眾有份投票,發哥說:「唔知喎,唔知點投,網上?我都係鍾意以前傳統啲咁,好似月餅咁,都係傳統嘅好食啲。」
採訪:黃曉妍
攝影:黃偉雄

一副24字的對聯影響蔡瀾一生,今集《亂噏24》,蔡瀾為你逐句解釋!
點擊以下連結,全集即時重溫!
http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載