› 選擇地區
三藩市
紐約
洛杉磯
其他美國地區
香港 台灣 北美
 
2013年08月28日

馮仁昭四圍超:紅姑撐祖賢靚女
夏蕙姨:我都想似佢 - 馮仁昭

日前秘密返港嘅王祖賢個樣又腫又膠,噚日夏蕙姨同𡃁模羅彩玲(Vivian)以校服look喺理工大學拍有線節目,問覺唔覺祖賢個樣有變?夏蕙姨話:「冇乜特別,女人有時唔化妝會覺得憔悴,佢都好靚呀。」祖賢個樣膠膠哋?佢話:「冇認真睇過,睇相睇唔到。」有網民話祖賢個膠樣激似夏蕙姨?佢笑話:「我都想似佢咁靚,我老,80歲喇,我唔係後生女,我係阿婆,如果我似佢咪好囉,我開心。」佢又話想同祖賢合作。
當年同樣係男士女神嘅鍾楚紅,噚日喺尖沙嘴出席手錶活動,受到無綫劇《衝上雲霄II》嘅效應影響,大會搵埋馬國明、吳卓羲同何君誠着住機師衫行騷。

依然美艷嘅紅姑講到祖賢走樣兼膠面,佢話:「會唔會影相角度?或者俾你哋嚇親?有時突然間跳出嚟影相,好多影到怪樣,佢係靚女!」戥王祖賢慘?佢話:「我都成日俾人批評,最好唔好理人,否則好辛苦。」
另噚日有周刊話祖賢返嚟係應丁子高邀請出席活動,點知貨不對辦退貨,又話丁子高係經老婆楊千嬅識祖賢,噚日千嬅話:「我都唔識祖賢點介紹?」而丁子高亦發聲明指根本冇咁嘅事,至於有傳張玉珊想斟祖賢做代言,佢噚日話:「係,但搵唔到佢!」
撰文:馮仁昭

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載