› 選擇地區
三藩市
紐約
洛杉磯
其他美國地區
香港 台灣 北美
 
2013年08月30日

電視撈飯:《衝II》挑戰觀眾眼球
馬明黑絲儀三晚咀八次

今個星期一、二、三睇無綫人氣劇《衝上雲霄II》,都見到馬國明同江美儀咀唔停口,粗略計算,呢三晚佢哋見咗四次面,每場咀兩次,加加埋埋咀足八次咁多,有蜻蜓點水kiss、又有肉緊吸啜法,仲有錫到拗腰兼喺床度碌嚟碌去,馬明BB俾黑絲儀錫到現高潮眼……咁重口味嘅情節,唔知大家記得幾多場?雖然黑絲儀43歲,只係大39歲嘅馬明幾年,不過有網民形容佢哋係「婆孫戀」,仲話劇情太驅風要洗眼,幾難聽嘅說話都有,不過近日網上流傳咗一段《43歲的愛戀》文章,話世俗眼光容不下四字頭嘅女人戀愛,明撐黑絲儀戀愛無罪!

懶理抨擊貼床照

黑絲儀噚日喺電話度笑笑口話唔知係年紀問題,抑或自己問題?搞到咁多人睇唔過眼,不過佢就撐女人無論乜嘢年紀都需要愛:「80歲都需要戀愛,冇年齡限制!」講到場場咀到咁激,黑絲儀話劇情合情合理,完全配合人物個性,問佢之後仲有冇得咀?佢就大賣關子:「唔知呢?有啲錫咗未出街,因為剪接關係,真係唔知仲有冇?」佢前日又喺微博貼咗張同馬明BB嘅床照,話要答謝大家支持喎。

而唐詩詠噚日喺銅鑼灣出席活動,亦撐黑絲儀同馬明:「可能因為佢哋之前套劇做母子,美儀係馬明後母,大家先唔接受,其實佢哋真實年紀唔係差好遠。」另外,噚日又有讀者捉到《衝II》錯處,話負責評核嘅台灣機長,之前喺第3集出現時叫李機長,點知前晚再現身就變咗王機長,同一個角色出現兩個唔同姓氏,難怪無綫成日俾人話是是旦旦啦!
版主:陳基征

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載