› 選擇地區
三藩市
紐約
洛杉磯
其他美國地區
香港 台灣 北美
 
2013年09月02日

Eason聲線超似陳百強

陳奕迅(Eason)、楊千嬅、梁詠琪和蘇永康等前晚在亞洲博覽館演出「拉闊思念會.永恒的愛陳百強」,陳百強(Danny)的家姐、哥哥、契爺、張家輝、何超瓊等均有到場欣賞。現場播放了Danny昔日演出過的電影及歌曲片段,歌迷不停大嗌:「Danny!」以表思念。

超儀獲契爺贈歌衫

大部份歌手均穿上Danny最愛的紫色衣裳,大合唱一曲後,便由何超儀打頭陣獻唱《今宵多珍重》,她穿上由其契爺Danny於20多年前送給她的紅色舞衣,她在台上感觸說:「多謝你喺我迷失時畀支持我、教誨我,為我訂做第一件舞衣,為我人生帶來最燦爛一頁,I miss you!」
之後梁詠琪、林一峰、張敬軒和陳奕迅等輪流獻唱,Eason獻唱《從今以後》時聲線與Danny極相似,他否認刻意模仿,他說:「我好用心同好誠懇去唱,不知不覺上咗身,Danny好有翩翩公子feel,氣質好高貴。」Eason前晚有同Danny家姐合照,但他卻自爆80年代曾被Danny拒合照辳事,他說:「有次去會所見到佢同仙杜拉喺泳池邊,當時佢戴住太陽眼鏡好大隻,我問仙杜拉可唔可以合照,但佢幫Danny婉拒咗,最後我同仙杜拉影咗張相。」

蘇永康說了一段昔日與Danny的往事,他說:「記得有次出席朋友一個回教婚宴,冇酒、冇乳豬,Danny坐喺我隔籬黑晒面,五分鐘後佢走去便利店買咗氈酒叫我陪佢飲,一段日子後喺麗晶見番佢,但對我反應好冷淡,佢係不折不扣藝術家,有藝術家脾氣,獨一無二。」
超儀沒有與其他歌手大合唱,是否凸顯Danny契女身份?她說:「大會安排,呢個位出場好靚。」她自爆小時候被姊姊在街上鬧醜樣,不讓她入行,幸得Danny「打救」為她重新包裝,還送上她前晚穿着的紅色歌衫,讓她可留為紀念。千嬅前晚穿上一襲deep V裙,惜無甚睇頭,她說:「冇餵人奶後,身材變番少女時代。」
採訪:王連連
攝影:陳俊強

肥佬黎有今日,全賴阿媽細個同佢講過乜?即睇最新一集《亂噏24》,話唔定幫到你!
http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載