蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年09月26日

《巨輪》翻炒22年前舊作 穿崩停不了

近日無綫新劇《巨輪》播出咗三日,已經有網民玩咗Photo hunt搵出大量唔合理地方,好似啲垃圾桶款式、冷氣巴,冇一樣嘢係80年代,成套劇畀網民話hea爆。
話說有巴打疑似係王心慰fans,佢竟然有本事搵番一套22年前嘅電視劇《龍的天空》出嚟,同《巨輪》玩「搵相同之處」。點解搵呢個劇嚟比,一來,兩劇均出自監製王心慰手筆。

1.監制都係王心慰。
2.李司棋都係帶住個仔偷渡嚟香港但係失敗。 (喺《龍的天空》李司棋帶吳鎮宇偷渡嚟香港但係失敗,而《巨輪》係陳展鵬同蕭正楠。不同之處係陳成功攞到香港身份證,蕭正楠則隨母搬去澳門搵生機。)
3.原本李司棋個老公喺香港同第二個女人結婚。(喺《龍的天空》李司棋丈夫陳振華娶咗黃愷欣,《巨輪》就係李國麟另娶呂珊。)
4.個仔又係自己嚟香港搵老竇團聚。(喺《龍的天空》吳鎮宇同老竇陳振華團聚;《巨輪》係陳展鵬認番老竇李國麟。)
5.故事大概又係講兩兄弟嘅恩怨情仇不過由同父異母變咗同母異父 。(喺《龍的天空》吳鎮宇同林文龍係同父異母兄弟,《巨輪》嘅陳展鵬同蕭正楠就係同母異父。)
6.外景由港澳變中港台。(呢點好似牽強咗啲……)
7.兩兄弟之中是但一個係奸角。(喺《龍的天空》吳鎮宇係奸角;《巨輪》就係陳展鵬做奸角。)
8.又係時代劇,加兩代恩怨。
9.奸角由內地嚟香港,當初係好人,但後來為咗目的不擇手段變左壞人。

仲有一個相同之處係,兩兄弟都鍾意同一個女人,《龍的天空》兩兄弟都鍾意黎姿;《巨輪》就係兩兄弟都鍾意鍾嘉欣BB。

相關新聞:《巨輪》講八九民運 內地即河蟹

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載