› 選擇地區
三藩市
紐約
洛杉磯
其他美國地區
香港 台灣 北美
 
2013年09月30日

眼腫拍新戲 陳豪爆茵媺滿意新居

陳豪前日清晨到機場接由多倫多回港安胎的陳茵媺(Aimee)後,昨日又到柴灣學校與邵音音、林子聰和內地女演員蒙亭宜一同拍攝新片《點對點》。戴眼鏡扮演學生的他難掩雙眼浮腫,接受訪問時又笑意盈盈說:「仲有幾日埋尾,希望快啲完,可以有多啲時間同佢(Aimee)一齊。噚晚好開心好舒服,因為佢都好耐冇返嚟香港。」

夫妻檔等安排

提到Aimee十分滿意大埔比華利山別墅新居裝修,陳豪笑說:「佢幾鍾意,我算合格,好開心見到佢滿意。」問到Aimee懷孕大肚兩人未能相擁入睡時,他又說:「OK啦,都係咁,會更加錫住佢。」他又提到正物色育嬰班和吸收育兒知識。
可會與Aimee一同接job搵奶粉錢,陳豪謂:「等經理人安排,有人接觸過。」Aimee有否扭計要食香港地道食物?他說:「冇,佢OK喎,不過好多大肚婆鍾意食酸嘢,佢就唔係,鍾意食水果。」鍾嘉欣前日受訪時指Aimee狂嘔,估計雙陳將得男丁,陳豪繼續封口說:「咁要開個盤先得喎,我鍾意仔,又鍾意女,大家唔好咁心急。」

同片飾演學校校長的邵音音則大爆,陳豪每日開工都十分開心,她說:「佢日日都同老婆講電話,開工講到收工,日日都咁sweet,希望佢生仔啦,喺片場日日都畀咁大班女人圍住。不過生男生女都係佢哋愛情結晶品,佢哋係公眾人物,所以大家咁期待,𠵱家保密,到時知道咪開心囉。」
採訪、攝影:藍文浩

死過翻生的卓韻芝要同倪匡蔡瀾肥佬黎講人生大限?
毌需忌諱,《亂噏24》周一至周五預埋你: http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載