› 選擇地區
三藩市
紐約
洛杉磯
其他美國地區
香港 台灣 北美
 
2013年09月30日

拍戲阻街惹風波
杜琪峯老外爆粗互片

【中環雪廠街】杜琪峯新戲《單身男女2》呢排踩行油開工,前晚8點幾,劇組喺中環雪廠街拍外景,杜琪峯叼住雪茄指導楊千嬅、周渝民(仔仔)同古天樂做戲。拍攝其間,工作人員暫時攔路唔畀啲車駛過,點知有架載住幾位老外乘客嘅的士被截停,車內有位老外勁唔滿意,爆粗狂鬧,即刻辣㷫杜琪峯用廣東話粗口還擊:「X你老X」,二人粗口橫飛互片一輪,最後工作人員放車走先平息風波。

千嬅埋怨老公

杜琪峯爆粗鬧完老外後,收拾心情教古仔做戲,呢場戲講古仔愁爆講手機,之後就情緒激動咁掟西裝褸落地,杜琪峯親自示範教古仔點發脾四掟褸,趁機可以畀佢發洩吓,認真啱晒時機!而千嬅同仔仔場戲就簡單得多,講佢哋坐上法拉利,負責開車嘅仔仔仲有替身代勞㖭。

另外,千嬅最近成為Estee Lauder旗下護膚品牌Osiao全球首位代言人,咁啱宣傳工作由老公丁子高嘅公關公司負責,千嬅笑住埋怨老公:「丁生話藝人成日都要保持最佳狀態,不斷提我唔可以放縱,但佢自己每日喺我身邊大吃大喝。」
採訪、攝影:李志明、羅德光、梁繼光

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好
多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載