› 選擇地區
三藩市
紐約
洛杉磯
其他美國地區
香港 台灣 北美
 
2013年10月04日

偉仔約閨蜜開心食串燒

偉仔同「閨蜜」吳廷燁(右)食完飯上車離開,偉仔仲除帽露出陸軍裝頭。

【大坑】梁朝偉近日憑電影《一代宗師》獲提名金馬獎最佳男主角,都算係掃吓黑氣,唔使成日俾啲小三傳聞困擾。其實論偉仔嘅閨蜜,吳廷燁可以話當之無愧,相信兩個人經常有傾心事,日前兩兄弟咪約出嚟食飯交流囉,而偉仔老婆劉嘉玲就去咗巴黎睇show。

密密食密密斟

當日夜晚8點幾,戴住cap帽嘅偉仔揸住佢架Range Rover去到大坑搵咗個街邊停車錶位後,兩個男人就行咗去附近叫隱泉串燒嘅店舖開餐,呢間店嘅串燒好出名,特別係燒海鮮,好多圈中人都有幫襯。兩個大男人一啲都唔姿整,就咁搵咗近門口嘅位就坐。佢哋叫到一枱都係串燒,但就唔覺佢哋有飲酒,其間見到吳廷燁密密食,偉仔就不停喺度篤電話,唔通同男人食飯都要同老婆嘉玲報到?食到中途兩兄弟就密密傾,見到喺好友面前嘅偉仔間中都笑得好開懷。

兩個人食吓傾吓逗留咗兩個幾鐘,到10點幾至離開。一出到門口着住衞衣嘅偉仔就烏身整褲腳,行到差唔多到架車時佢又整多次至滿意上車,上車後偉仔就除咗cap帽露出佢嘅陸軍裝頭,然後開車離開。
採訪、攝影:徐錦池、梁繼光


逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好
多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載