› 選擇地區
三藩市
紐約
洛杉磯
其他美國地區
香港 台灣 北美
 
2013年10月06日

古仔爬水渠 巨鵰現形

【中環→上環】前日傍晚6點幾,古天樂喺中環拍杜琪峯執導嘅電影《單身男女2》,呢場戲講古仔要爬水渠上三樓,戴咗威吔嘅古仔變「戚袋袋」,吸引好多街坊圍觀,古仔尷尬到不停拉低T恤,不過都遮唔到佢嘅巨鵰雄風,惟有硬住頭皮專心拍攝。

拍足三小時

現場工作人員相當緊張,不停幫古仔檢查威吔,武指試晒位至叫古仔上陣,杜琪峯亦親自監場指揮,拍攝時古仔變身蜘蛛俠,身手敏捷躍上水渠,快手快腳向上爬,由於杜琪峯要求嚴謹,古仔重複爬咗好多次水渠,每次NG工作人員都上前再檢查威吔,確保安全。
來回多次爬到索氣嘅古仔,落地後助手即遞水畀佢解渴,結果拍足三個幾鐘才完成。夜晚9點幾,劇組轉場去上環取景,楊千嬅望住棟大廈,之後揸法拉利離去,雖然呢場戲好簡單,但都拍咗粒幾鐘,千嬅拍完後到古仔出場,佢揸住馬莎拉蒂喺附近兜圈,相比之前嘅吊威吔場面輕鬆好多。而千嬅噚日喺社交網擺咗囝囝新相,一歲大嘅Torres已經出牙仔,越大越似老竇丁子高。
採訪、攝影:徐錦池、畢紹基、梁繼光、吳耀


逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好
多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載