› 選擇地區
三藩市
紐約
洛杉磯
其他美國地區
香港 台灣 北美
 
2013年10月07日

Niki驚嚇素顏 陪甘比合家歡

【大坑】劉鑾雄女友陳凱韻(甘比)大前日34歲牛一,佢呢排都忙於慶祝,繼正日生日佢同咗同月同日生日嘅陳奕迅寶貝女康堤去咗迪士尼開P慶祝,甘比前日又獲大劉同佢喺灣仔福臨門飲茶,前晚甘比就帶一對仔女同家人去咗大坑鮨辰嘆日本菜,其間仲見佢好友周麗淇(Niki)素顏離開,為咗迴避門外記者鏡頭,Niki將漁夫帽拉到低無可低,冇化妝嘅佢油光滿臉,影相都反光,幾得人驚!

前晚7點幾,見到甘比坐開嘅幾部保母車停咗喺餐廳附近,佢嘅保鑣又企喺門口,大約8點幾,先見着白色上衣配紅褲嘅Niki單獨出嚟,有記者追問點解唔見佢嗰位內地富二代男友徐正曦?佢低頭細細聲話:「我走啦。」Niki於是行咗去佢架白色座駕度開車走,佢又全程頭耷耷,咁樣開車其實都好危險吓。

甘比細仔生濕疹

Niki走咗10分鐘左右,就輪到甘比一家大細出嚟,除咗有佢一對仔女、甘比阿媽、家姐,同埋大劉胞妹劉玉珍同仔女,一行十幾人好熱鬧,甘比呢餐生日飯一定食得好開心。甘比阿媽抱住乖孫,不過BB臉上近嘴部有幾撻濕疹。
此外,大劉涉及歐文龍賄賂案今喺澳門續審,噚日佢繼續同屋企人喺灣仔福臨門家庭日,同女友呂麗君、一對仔女會合母親同阿妹劉玉珍嘆茶。
採訪、攝影:梁繼光、畢紹基、吳耀輝、譚倩宜


逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好
多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載