› 選擇地區
三藩市
紐約
洛杉磯
其他美國地區
香港 台灣 北美
 
2013年10月07日

電視撈飯:伊健兩舊愛聚頭
好勝GiGi重提當年情

黎芷珊主持嘅清談節目《最佳女主角》今晚嘅女主角係梁詠琪,佢哋兩個先後戀上鄭伊健,由前前前女友訪問番伊健嘅前女友,聽落幾吸引喎!有好勝GiGi之稱嘅梁詠琪,喺節目度解釋成件事嘅來源,原來係鄭伊健開嘅玩笑,佢話:「我哋喺未正式拍拖時,有傳媒問伊健點樣形容幾位好朋友,佢話我係白羊座,白羊座嘅性格係『好勝』、『倔強』,點知呢件事好像蝴蝶效應一樣,越滾越大。事後佢有向我道歉,我亦當係一個玩笑!」芷珊跟住「打蛇隨棍上」問GiGi覺得自己係咪「好勝」?鏡頭前見到GiGi有啲黑面,不過佢話自己唔係「好勝」!
當年盛傳GiGi為咗好勝同面子,趁住伊健生日,通知各大傳媒佢會去伊健屋企,結果影到GiGi喺伊健屋企門口行出嚟嘅相,逼伊健公開戀情,GiG話:「一定唔係!」亦否認係自己嘅介入,令伊健同邵美琪分手:「當時伊健想開始戀情嘅時候,佢話已同Maggie分開。」

舊愛間接做媒人

講到拍拖6年分手,佢話:「嗰陣相處時間少,睇唔到大家係對方嘅終生伴侶,所以就分手。」講完舊愛,GiGi亦有提到同西班牙人老公Sergio閃電情緣,GiGi話喺11年完成演唱會後有兩星期假期,喺法籍前男友Sly嘅介紹下,識咗一個西班牙嘅女性朋友,呢個女朋友介紹GiGi去酒吧感受西班牙文化,結果佢遇到生命中最重要嘅男人Sergio,芷珊仲專登搵咗Sergio喺鏡頭前同梁詠琪用西班牙話說「我愛你」。
版主:陳基征


足本收睇《亂噏24》x 卓韻芝;緊接歡迎「宇宙最強」甄子丹!
周一至周五《亂噏24》預埋你: http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載