› 選擇地區
三藩市
紐約
洛杉磯
其他美國地區
香港 台灣 北美
 
2013年10月13日

我主場:謝安琪心痛背後

入行八年的謝安琪,全靠老公支持跨過人生起跌。攝影:陳俊強

謝安琪(Kay)嫁給張繼聰後,夫妻一同跨過很多難關,從沒不忠背叛老公的Kay,最難忍被屈跟陳奕迅(Eason)的婚外情傳聞,無辜背上小三的罪名令她承受很多壓力,Kay強調跟Eason的關係連朋友都談不上,現在更加斷交沒聯絡,她感激老公的百分百信任:「佢比我仲心痛!」
撰文:余燕儀

相關新聞:登台險墮騙局

謝安琪入行八年經歷高低起伏,初出道憑歌曲《愁人節》嶄露頭角,怎知仍未企穩就因奉子成婚暫別樂壇,生完仔復出後簽環球,憑《囍帖街》唱紅奪四台聯頒傳媒大獎,以為可以踏上天后之路,偏偏是非一浪接一浪:整容變面、扮大牌、拒訪問觸怒無綫、與環球反面解約,甚至連另一半張繼聰都被攻擊為廢柴老公!

同Eason冇偈傾

不過,種種加諸在Kay身上的鞭撻,都不及跟陳奕迅的緋聞令她傷痕纍纍,Kay提起往事仍帶點激動說:「呢啲咁莫須有、創作咁離譜新聞擾攘咗年幾,對我造成壓力,傷害好大,當時真係唔識處理,成日問點解?覺得好痛苦,之後我不再問究竟,同自己講唔好理亦管唔到,只能夠努力做好自己。」去年已離開環球的Kay,強調當時跟Eason只是同事關係,連朋友也談不上:「我哋同一間公司,工作時會見面,可能會互通message傾吓唱乜歌,當然都有聖誕新年互祝快樂,就係呢啲咁有限度溝通,私下真係冇,食餐飯都冇試過,絕對唔係好熟朋友,搵到最恰當詞語——同事。」

由於兩人各有家庭,緋聞令Kay更感受傷害,她說:「真係好唔公平,一單揑造緋聞對女仔同男仔傷害冇得比,呢件事對我形象同心靈破壞好大,大家都有家庭事業,但真係睇到對佢壓力冇咁大,因為好多焦點都係抹黑我,其後我為咗保護自己,真係好避忌,同一場合見到佢唔會行得太近,可能離遠禮貌打個招呼,𠵱家更加冇聯絡,冇公事上嘅嘢要傾。」
幸好老公張繼聰對Kay百分百信任,令她覺得好窩心:「其實佢好心痛,我承受嘅壓力,無辜辜被打擊,佢喺側邊畀好大支持我,結婚六年我哋好了解對方,亦體諒忙碌。」對於張繼聰被踩為廢柴老公,她說:「我心痛啲,永遠都係咁,打你唔痛,打你身邊嗰個心痛,佢都花好多時間面對壓力,但佢係一個好成熟嘅人,好有分寸。」
相比緋聞的殺傷力,整容傳聞對Kay來說只是小兒科,她說:「唔只整容,話我頭髮稀疏都有,我唔會一一回應,將佢視為鼓勵,原來大家之前唔覺得我係靚,𠵱家覺得我靚咗,唔好將我以前箍牙樣作準,以前我妝又唔識化,真係阿梅(趙薇在電影《少林足球》角色)階段,嗰時唔係走靚女路線,𠵱家進步好多。」

私約祖兒飲茶

Kay在《囍帖街》唱紅後人氣曾力逼容祖兒,兩人經常被拿來比較,Kay無奈說:「音樂唔需要打分數,鍾意就會成日聽,唔需要比較,每人音樂品味唔同,人哋點比較影響唔到我,雖然我係放工即刻返屋企嘅人,但我同所有歌手相處都係友善,競爭始終都係公司之間,其實我同祖兒有偈傾,私下見面會互相鼓勵,佢係一個好鍾意鼓勵人嘅歌手,亦係我前輩,好記得初出道時祖兒買咗我第一隻碟,佢喺IFPI投票活動揀最佳專輯,佢推介我隻碟好聽,之後活動見面我親自多謝佢,好耐之前我哋仲喺酒店飲過一次茶。」
化妝:Khaki Yan
髮型:Chris(Queen's private i salon)
服裝:Macro Chan

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載