› 選擇地區
三藩市
紐約
洛杉磯
其他美國地區
香港 台灣 北美
 
2013年10月13日

陳豪:學緊胎教

祥仔昨坦言看好陳豪成為今年視帝,大讚他實至名歸。

昨日陳豪現身無綫劇《法外風雲》在荃灣舉行的宣傳活動,陳拉法與黎耀祥等人在台上玩遊戲,準爸爸陳豪被問會否與太太陳茵媺睇劇當胎教?他笑說:「我仲學習緊胎教,睇吓要做啲乜?不過我𠵱家都有試同佢傾吓偈。雖然做嘢好緊要,但我嘅家庭心都好重,會喺工作中盡量抽時間陪太太。」他笑稱多得大家關心,現在有不少人贊助奶粉和尿片。而BB的名字方面,他說:「遲啲先講喇,都未改好晒,主要都係雙方嘅父母改,不過最想都係配合BB嘅性格,或者憑感覺揀一個適合嘅名畀佢。」

爭做視帝

祥仔被問到今年與陳豪視帝之爭,他說:「我哋冇爭嘅,我覺得今年應該佢攞,係實至名歸,分分鐘可能同一日出世兼攞獎,雙喜臨門嘛!」法拉則坦言看好張智霖、吳鎮宇、陳豪和黎耀祥四人,至於會否睇好自己成視后,她則說:「唔會喇,我只係志在參與。」
法拉和冼色麗前晚亦在中環出席時裝品牌活動,法拉接受有線訪問時,沒有再要求主播除咪牌做廣東話訪問。有指她經常缺席無綫劇宣傳,她呼冤:「之前《衝上雲霄II》如果喺香港會盡量出席,即使喺外國都會爬起身做電話訪問。」有傳她打算簽鍾珍,連陳慧琳都開聲說不介意用同一經理人,法拉說:「多謝佢鼓勵,𠵱家好多嘢傾緊,鍾意現在咁自由。」
採訪:譚倩宜、王連連
攝影:陳順禎

足本收睇《亂噏24》x 甄子丹;天后潮媽陳慧琳接力登場!
周一至周五《亂噏24》預埋你: http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載