› 選擇地區
三藩市
紐約
洛杉磯
其他美國地區
香港 台灣 北美
 
2013年10月15日

鄭俊弘通頂慶功 𢱑唱片約

無綫藝員歌唱比賽《星夢傳奇》前晚曲終人散,高分王鄭俊弘在決賽夜得到逾16萬觀眾投票勝出,鄭世豪則以4萬多票突圍成功奪第二名,陳明恩以2萬多票排第三位,姚兵則14,634票包尾,合共有逾23萬位觀眾投票。監製麥鎮東透露觀眾投票結果和評判心水一樣,鄭俊弘成為冠軍可謂實至名歸。
完騷後鄭俊弘、陳明恩及在四強出局的羅鈞滿在將軍澳電視廣播城外和fans開香檳,評判之一的周啟生亦有出現,並主動安慰羅鈞滿,又和他的fans大叫為他打氣。《星夢》一行人再到長沙灣慶功,監製麥鎮東亦有出席,他直言:「觀眾同評判嘅排名都係一樣,Fred(鄭俊弘)都係冠軍,其實分數好接近。」鄭俊弘和媽咪出席慶功,他直言:「想快啲有唱片合約,最期待,一切由公司安排。」傳過緋聞的姜麗文有否打氣?鄭俊弘說:「個個朋友都有睇,唔知佢係咪全程捧場,一陣問吓佢,今日好多人打電話畀我。」他坦言今次得獎是下月30歲生日的最好禮物。

姚兵怨友無法投票

鄭世豪心情依然high爆,會否獲獎勵改簽經理人合約?他說:「冇詳細諗過,只係諗住放鬆心情。不過打拼咁多年都係朝住呢個目標。」陳明恩則笑言獎座可當啞鈴健身。包尾的姚兵也飲到high high哋,提到他在比賽時指不少朋友因沒香港身份證無法投票:「我好認真講,但唔知點解啲人聽完笑。」他直言想再補擺喜酒答謝老婆。
約凌晨兩點半鄭俊弘轉場到銅鑼灣跟朋友唱K慶祝,至清晨六點多才腳步浮浮離開,由朋友送回北角寓所,臨上樓時依然高舉V字手勢心情興奮。據知今次《星夢》觀眾投票率比港姐選舉當晚更高,反應更踴躍。
採訪:何慧斯、李志明
攝影:黃偉雄、徐錦池

足本收睇《亂噏24》x 甄子丹;天后潮媽陳慧琳接力登場!
周一至周五《亂噏24》預埋你: http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載