蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年10月20日

有話兒--萬綺雯:冇睇亞視

萬綺雯觀眾緣甚佳,在無綫忙得一劇接一劇。
攝影:陳順禎

有美滿婚姻的萬綺雯(蚊蚊),由亞視加盟無綫一年多已經劇接劇,別人看來似在搏殺,但對蚊蚊而言,加入大公司不一定就要爭名逐利爭做視后,她坦言:「入咗無綫都冇睇過亞視,一年拍三個劇,自己劇出都冇睇。」
撰文:羅美倫

萬綺雯加入無綫後工作幾乎未停過,甚至連不一定要做的外地宣傳她都答應,證明在無綫工作得開心,她日前接受專訪時直言:「都係㗎,入無綫一年幾,每做一個工作都搵到樂趣,同啲拍檔都合作得開心。」
蚊蚊坦言體會過早年亞視出名的人情味,加盟無綫前,確實曾有過擔心,她說:「未接觸過無綫時,傳聞都幾恐怖吓,話啲人顧住自己,各有各忙,競爭又大,叫我要學識自己照顧自己,但嚟到後都唔係,啲同事都好照顧我。」無綫人多競爭自然大,不過蚊蚊坦言:「拍劇係睇自己角色,我一向睇自己,做好本份,觀眾睇電視會知你有幾努力。」

拒與姐仔競爭

亞視出身的蚊蚊,點睇現在的亞視?她說:「冇乜留意,入咗無綫都冇睇過亞視,一年拍三個劇,自己劇出都冇睇,亞視情況都有聽聞。」對於坊間都取笑亞視,蚊蚊說:「笑我就唔笑,始終曾經喺嗰度做,要笑啲乜,問題係因我同裏面啲人唔熟,走後冇合作,新加入啲人又唔熟,所以冇乜感受。」

蚊蚊的背景特殊,雖屬一線花旦,但已婚,輩份比一般姐仔高,對上位的姐仔而言阻力不算大,現年43歲的她聞言笑說:「可能係,競爭嗰啲都係八、九十後,𠵱家對佢哋嚟講係關鍵時刻,而我已經做咗咁多年,唔係十八廿二,我只會揀自己鍾意做嘅嘢,其實就算以前喺亞視我都係咁做。」可想過當視后?蚊蚊未聽得明甚麼視后,儍儍的答:「點樣事後呀?啊,視后!咁你就知我冇啦,唔會諗,啱啱入去一年,拍嘅劇未出晒街,我只堅持做好自己,呢樣嘢亦唔輪到我諗。」

睇好杏兒嘉欣

既然不爭視后,那睇好誰當今屆視后?蚊蚊笑笑說:「唔知呀,我只係鍾意睇鍾嘉欣、胡定欣、胡杏兒,有啲真係有氣質,人夾人緣,杏兒好cute,我鍾意佢個樣,嘉欣有清純氣質,定欣做戲自然、投入,我睇唔晒其他劇,唔揀視后。」
服裝提供:Laurel
場地提供:Lupa
化妝:Lu
髮型:Pi4.com of Domanictao


逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載