› 選擇地區
三藩市
紐約
洛杉磯
其他美國地區
香港 台灣 北美
 
2013年10月28日

無綫阻賺人仔
法拉未拍過內地劇

法拉大露背現身,成為活動最性感的嘉賓。

陳法拉、馬國明和何傲芝及何傲兒姊妹等,昨日出席東方錶行於沙田馬場舉行的活動,法拉身穿藍色露背大傘裙與何傲兒開衩露長腿,同樣來得性感。
法拉約滿無綫,未有透露新動向,問到多人向她招手,法拉說:「遲少少知,都好多前輩欣賞,大家傾偈希望我有唔同發展。」對於無綫要求收緊一線藝人在內地拍劇新政策,法拉認同:「TVB始終係我娘家,喺TVB拍劇會以佢哋為先,佢哋多藝員,畀啲新配搭大家,有啲返內地一段時間,返嚟都畀到新鮮感,都係好事,證明香港藝人喺內地吃香。」
問法拉會否因此而不會簽無綫,她說:「唔關事,喺TVB咁多年冇拍過內地劇,最緊要睇角色啱自己,喺TVB做過好多角色,儲咗經驗,冇衝突。」

馬明唔敢攀成龍

馬國明則笑言等了很久才有機會返內地拍劇:「不過會以公司工作為先,如果去晒咪冇人拍戲。」對於有雜誌指他是新筍盤,在內地拍劇惹來不少桃花,他說:「吓,前面仲有好多人未結婚,TVB專出筍盤,個報道得啖笑,話我跟成龍搵食,未有資格,想像美麗,現實殘酷,好多劇中女演員來自上海、北京,冇佢哋電話。」
馬明續說:「內地女仔要求高,喺佢哋心目中冇資格,佢哋靚,身材好,雨書(前名陳開心)最慘,喺劇中係一對,最多接觸。」
採訪:盧妹
攝影:黃偉雄


逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載