› 選擇地區
三藩市
紐約
洛杉磯
其他美國地區
香港 台灣 北美
 
2013年10月28日

郭鋒:香港變秦始皇時代

郭鋒(61歲)
年資:42年
曾演劇集:《季節》演唐季全、《巾幗梟雄》演王爺
港版半澤直樹角色:大和田

七十年代已效力無綫的「綠葉王」郭鋒,三度離開娘家闖天下,無論在哪個電視台工作,都只想向觀眾提供優質免費娛樂,無奈政府拒發牌給港視,打沉有誠意的電視台,郭鋒認為政府黑箱作業兼不停打壓,感覺猶如進入秦始皇時代。

相關新聞:張松枝:無綫12年冇加人工

希望得到真相

「我哋𠵱家等司法覆核結果,政府唔發牌呢件事,引伸出一個社會問題,政府每日都搬出政策嚟解畫,一籮籮咁搬出嚟,變咗越遮越黑,佢得一個蓋,但整咗咁多桶,點冚呢?我哋最大訴求係希望得到真相,無論為自己、為大眾都好,只求尋找出真理。政府呢次唔單止打沉受害嘅公司,仲打沉全香港真係想有好生活嘅巿民,仲會有連鎖反應,一路落去民生都會有問題,再咁落去香港會變咗秦始皇時代,特首就係秦始皇,香港變得好封建,大家有讀過歷史都知封建嘅苦況,點解會有革命,為咗我哋同下一代嘅將來,我哋要爭取。好多窮苦基層大眾,佢哋冇錢最大娛樂就係睇免費電視,點解呢樣嘢都扼殺佢哋?
我試過三度離開無綫,每次離開都有唔同原因,我覺得無綫十幾年前都有創意,但近年佢哋開始不求變,好公式化,相反我過到嚟港視,覺得台前幕後好積極,工作氣氛好好,大家好認真。王生(王維基)搞得公司好團結,佢有一份凝聚力,有領導人嘅方向。」


逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

相關新聞:高俊文:政府打爛我飯碗

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載