› 選擇地區
三藩市
紐約
洛杉磯
其他美國地區
香港 台灣 北美
 
2013年10月28日

文采有鋪晒腳癮 腳趾都晒埋

秋風起,有乜嘢最好做?就係BBQ同擦蟹。張文采BB最近兩樣都做晒喇。

25號當日,佢貼咗張食大閘蟹嘅相,寫道:「昨晚又大閘蟹又龍蝦,膽固醇唔超標就假……」咁啱下月將離開TVB嘅盤翠瑩又係晒靚蟹,不過就早過文采BB貼圖,而且個樣好似係喺公司裡面食咁,應該唔係一齊擦蟹喇。

噚日文采BB又喺微博貼咗張BBQ圖片,話:「秋季大旅行!BBQ!附送我啲腳趾……」加五個掩嘴偷笑公仔。晒腳趾喎,有冇附送美腿先?Sorry,真係只得腳趾,大頭都冇一個。

講開晒腳趾(文采BB特登咁樣寫同咁樣影,擺明要令男fans抓狂?)睇番佢個微博,原來佢都有舖晒腳癮,唔止係腳趾,大腿小腿,露趾鞋同啜靴腳都有。有一張係佢嚮應熄燈一小時嘅自拍照。調番光張相,原來係文采BB一雙美腿嚟!

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載