› 選擇地區
三藩市
紐約
洛杉磯
其他美國地區
香港 台灣 北美
 
2013年11月22日

小齊魚蛋臀誘康仔摸

蘇永康(左)笑小齊着衫姣,臀部還很圓潤,似足魚蛋。

任賢齊(小齊)前晚率領旗下歌手蘇永康、梁漢文和黃家強等在灣仔會展舉行「新城愛生命.堅持信念音樂會」。一向多嘴的蘇永康先取笑梁漢文,之後連小齊也不放過,竟自爆想摸小齊屁股,大玩斷背。
前晚康仔在台上爆梁漢文最近春風滿臉:「都唔知佢做乜甜到漏,連唱歌都好甜,好似溫室小蘋果咁。」之後康仔和小齊合唱時,又拿小齊的身形開玩笑,搞笑說:「你着衫好姣,好想摸你個臀部,好圓潤。」

康仔笑梁漢文

完騷後,蘇永康繼續笑梁漢文是溫室小蘋果,並說:「係呀,都唔知點解,你唱歌唱到甜絲絲,好似蘋果咁。」黃家強則指着康仔說:「佢係蘋果,你就係小橙、小香蕉、小啤梨囉,幾可愛。」康仔又爆小齊最近衣着很鮮艷,加上又好肉地,臀部好像魚蛋臀,令康仔有衝動想摸。
對於被指魚蛋臀,小齊說:「最近見到好多人操得好弗,好似張家輝咁。」當他得知家輝已不再操弗時,他興奮說:「真係㗎?咁我可以放心。」問太太喜歡何種身形,小齊笑指女人不計較這些,記者指女人愛多肉的男人就代表有安全感,小齊就說:「咁唔怪得啲太太結婚後,猛畀嘢食老公,我啲同學仔都肥晒。不過我貪靚,寧願操弗啲,最勁試過80公斤,自己接受唔到。」
採訪:王連連
攝影:陳志嵐

足本收睇《亂噏24》x張家輝;宅男女神謝安琪隆重登場!
周一至周五《亂噏24》約定你: http://bit.ly/appletalk24

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載