› 選擇地區
三藩市
紐約
洛杉磯
其他美國地區
香港 台灣 北美
 
2013年11月29日

寸嘴Barbie漏奶迎寒風

何佩瑜(Jeana)、雨僑、林德信、寸嘴Barbie夏尉喻和文凱玲(Connie)等,前晚冒着寒風到黃竹坑出席電影《喜愛夜蒲3》的泳池派對,最叻搶鏡的寸嘴Barbie刻意穿細碼泳衣塑造漏奶效果搶鏡。
寸嘴Barbie夠博,相反Jeana三催四請才脫去外套,影完相又第一時間穿回。腳傷的雨僑一身紅色低胸裙,但也谷胸唔執輸。眾女玩遊戲用口傳酒管,彎腰時個個「倒奶」,甚有睇頭,另原本要男仔落水,但因太凍而取消。

踩林德信細粒

問寸嘴Barbie是否刻意搶鏡?她笑笑口說:「唔係,只係想多啲機會發揮。」是否刻意穿細碼泳衣?她卻唔認:「加大碼嚟㗎,可能係特別時段前有特別效果。」是否因月事到?她承認說:「係之前。」雨僑提到在片中扮全裸跟韓男在泳池有激情戲,她說:「我貼晒乳貼,再貼膠紙造成太陽花咁,再加『缽仔糕』再加膠紙, 再着三條褲,但唔攬住都易走光,好彩佢高大遮晒我。」雨僑與林德信也有親熱戲,但她踩對手說:「佢就細粒,借位辛苦啲。」

錫身的Jeana提起寸嘴Barbie漏奶夠博時說:「Sexy囉,我諗佢唔會專登着細一個碼,因為有試身,同埋着細咗泳衣游水好危險。」
採訪:溫敏芝

逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!

娛聞樂陪你走遍全球追星,即Like「娛果」FB 專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載